פסוקים על Select Readings

802 פסוקים · 47 היבטים

פסוקי מפתח

סינון לפי ספר
  1. יְשַׁעְיָהוּ ל״ה:ו׳

    אז ידלג כאיל פסח ותרן לשון אלם כי נבקעו במדבר מים ונחלים בערבה׃

  2. יְשַׁעְיָהוּ ל״ה:ז׳

    והיה השרב לאגם וצמאון למבועי מים בנוה תנים רבצה חציר לקנה וגמא׃

  3. יְשַׁעְיָהוּ ל״ה:ח׳

    והיה שם מסלול ודרך ודרך הקדש יקרא לה לא יעברנו טמא והוא למו הלך דרך ואוילים לא יתעו׃

  4. יְשַׁעְיָהוּ ל״ה:ט׳

    לא יהיה שם אריה ופריץ חיות בל יעלנה לא תמצא שם והלכו גאולים׃

  5. יְשַׁעְיָהוּ ל״ה:י׳

    ופדויי יהוה ישבון ובאו ציון ברנה ושמחת עולם על ראשם ששון ושמחה ישיגו ונסו יגון ואנחה׃

  6. יְשַׁעְיָהוּ מ׳:א׳

    ¶ נחמו נחמו עמי יאמר אלהיכם׃

  7. יְשַׁעְיָהוּ מ׳:ב׳

    דברו על לב ירושלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃

  8. יְשַׁעְיָהוּ מ׳:ג׳

    קול קורא במדבר פנו דרך יהוה ישרו בערבה מסלה לאלהינו׃

  9. יְשַׁעְיָהוּ מ׳:ד׳

    כל גיא ינשא וכל הר וגבעה ישפלו והיה העקב למישור והרכסים לבקעה׃

  10. יְשַׁעְיָהוּ מ׳:ה׳

    ונגלה כבוד יהוה וראו כל בשר יחדו כי פי יהוה דבר׃

  11. יְשַׁעְיָהוּ מ׳:ו׳

    קול אמר קרא ואמר מה אקרא כל הבשר חציר וכל חסדו כציץ השדה׃

  12. יְשַׁעְיָהוּ מ׳:ז׳

    יבש חציר נבל ציץ כי רוח יהוה נשבה בו אכן חציר העם׃

  13. יְשַׁעְיָהוּ מ׳:ח׳

    יבש חציר נבל ציץ ודבר אלהינו יקום לעולם׃

  14. יְשַׁעְיָהוּ מ׳:ט׳

    על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם׃

  15. יְשַׁעְיָהוּ מ׳:י׳

    הנה אדני יהוה בחזק יבוא וזרעו משלה לו הנה שכרו אתו ופעלתו לפניו׃

  16. יְשַׁעְיָהוּ מ׳:י״א

    כרעה עדרו ירעה בזרעו יקבץ טלאים ובחיקו ישא עלות ינהל׃

  17. יְשַׁעְיָהוּ מ׳:י״ב

    מי מדד בשעלו מים ושמים בזרת תכן וכל בשלש עפר הארץ ושקל בפלס הרים וגבעות במאזנים׃

  18. יְשַׁעְיָהוּ מ׳:י״ג

    מי תכן את רוח יהוה ואיש עצתו יודיענו׃

  19. יְשַׁעְיָהוּ מ׳:י״ד

    את מי נועץ ויבינהו וילמדהו בארח משפט וילמדהו דעת ודרך תבונות יודיענו׃

  20. יְשַׁעְיָהוּ מ׳:ט״ו

    הן גוים כמר מדלי וכשחק מאזנים נחשבו הן איים כדק יטול׃

  21. יְשַׁעְיָהוּ מ׳:ט״ז

    ולבנון אין די בער וחיתו אין די עולה׃

  22. יְשַׁעְיָהוּ מ׳:י״ז

    כל הגוים כאין נגדו מאפס ותהו נחשבו לו׃

  23. יְשַׁעְיָהוּ מ׳:י״ח

    ואל מי תדמיון אל ומה דמות תערכו לו׃

  24. יְשַׁעְיָהוּ מ׳:י״ט

    הפסל נסך חרש וצרף בזהב ירקענו ורתקות כסף צורף׃

  25. יְשַׁעְיָהוּ מ׳:כ׳

    המסכן תרומה עץ לא ירקב יבחר חרש חכם יבקש לו להכין פסל לא ימוט׃