פסוקים על Select Readings: The brevity of life

¶ אדם ילוד אשה קצר ימים ושבע רגז׃

כציץ יצא וימל ויברח כצל ולא יעמוד׃

אף על זה פקחת עינך ואתי תביא במשפט עמך׃

מי יתן טהור מטמא לא אחד׃

אם חרוצים ימיו מספר חדשיו אתך חקו עשית ולא יעבור׃

שעה מעליו ויחדל עד ירצה כשכיר יומו׃

כי יש לעץ תקוה אם יכרת ועוד יחליף וינקתו לא תחדל׃

אם יזקין בארץ שרשו ובעפר ימות גזעו׃

מריח מים יפרח ועשה קציר כמו נטע׃

וגבר ימות ויחלש ויגוע אדם ואיו׃