פסוקים על Select Readings: Stephen's defense

56 פסוקים · 47 היבטים

פסוקים על Stephen's defense

  1. מַעֲשֵׂי הַשְּׁלִיחִים ז׳:א׳

    ¶ ויאמר הכהן הגדול האמת הוא אשר דברו׃

  2. מַעֲשֵׂי הַשְּׁלִיחִים ז׳:ב׳

    ויען ויאמר אנשים אחים ואבות שמעו אלהי הכבוד נראה אל אברהם אבינו בהיותו בארם נהרים לפני שבתו בחרן׃

  3. מַעֲשֵׂי הַשְּׁלִיחִים ז׳:ג׳

    ויאמר אליו לך לך מארצך וממולדתך ובא אל הארץ אשר אראך׃

  4. מַעֲשֵׂי הַשְּׁלִיחִים ז׳:ד׳

    ויצא מארץ כשדים וישב בחרן ואחרי מות אביו העביר אתו משם אל הארץ הזאת אשר אתם ישבים בה עתה׃

  5. מַעֲשֵׂי הַשְּׁלִיחִים ז׳:ה׳

    ולא נתן לו נחלה בה אף לא מדרך כף רגל ויבטח לתתה לאחזה לו ולזרעו אחריו ועוד לא היה לו בן׃

  6. מַעֲשֵׂי הַשְּׁלִיחִים ז׳:ו׳

    ויאמר לו אלהים כי גר יהיה זרעו בארץ לא להם ועבדום וענו אתם ארבע מאות שנה׃

  7. מַעֲשֵׂי הַשְּׁלִיחִים ז׳:ז׳

    וגם את הגוי אשר יעבדו דן אנכי אמר אלהים ואחרי כן יצאו ויעבדוני במקום הזה׃

  8. מַעֲשֵׂי הַשְּׁלִיחִים ז׳:ח׳

    ויתן לו את ברית המילה ובכן הוליד את יצחק וימל אתו ביום השמיני ויצחק הוליד את יעקב ויעקב הוליד את שנים עשר האבות׃

  9. מַעֲשֵׂי הַשְּׁלִיחִים ז׳:ט׳

    ויקנאו האבות ביוסף וימכרו אותו מצרימה ואלהים היה עמו׃

  10. מַעֲשֵׂי הַשְּׁלִיחִים ז׳:י׳

    ויצילהו מכל צרותיו ויתן לו חן וחכמה לפני פרעה מלך מצרים וישימהו שליט על מצרים ועל כל ביתו׃

  11. מַעֲשֵׂי הַשְּׁלִיחִים ז׳:י״א

    ויהי רעב על כל ארץ מצרים וכנען וצרה גדולה ואבותינו לא מצאו אכל׃

  12. מַעֲשֵׂי הַשְּׁלִיחִים ז׳:י״ב

    וישמע יעקב כי יש שבר במצרים וישלח שמה את אבותינו בפעם הראשונה׃

  13. מַעֲשֵׂי הַשְּׁלִיחִים ז׳:י״ג

    ובפעם השנית התודע יוסף אל אחיו ומולדת יוסף נגלתה לפרעה׃

  14. מַעֲשֵׂי הַשְּׁלִיחִים ז׳:י״ד

    וישלח יוסף ויקרא ליעקב אביו ולכל משפחתו בשבעים וחמש נפש׃

  15. מַעֲשֵׂי הַשְּׁלִיחִים ז׳:ט״ו

    וירד יעקב מצרימה וימת הוא ואבותינו׃

  16. מַעֲשֵׂי הַשְּׁלִיחִים ז׳:ט״ז

    ויובאו שכמה ויושמו בקבר אשר קנה אברהם בכספו מיד בני חמור אבי שכם׃

  17. מַעֲשֵׂי הַשְּׁלִיחִים ז׳:י״ז

    ויהי כאשר קרבה עת ההבטחה אשר נשבע אלהים לאברהם ויגדל העם וירב במצרים׃

  18. מַעֲשֵׂי הַשְּׁלִיחִים ז׳:י״ח

    עד כי קם מלך אחר אשר לא ידע את יוסף׃

  19. מַעֲשֵׂי הַשְּׁלִיחִים ז׳:י״ט

    וזה התחכם למשפחתנו וירע לאבותינו ויצו אתם להשליך את עלליהם אל פני השדה לבלתי החיותם׃

  20. מַעֲשֵׂי הַשְּׁלִיחִים ז׳:כ׳

    בעת ההיא נולד משה ויהי טוב לאלהים ויהי אמון בבית אביו שלשה ירחים׃

  21. מַעֲשֵׂי הַשְּׁלִיחִים ז׳:כ״א

    וכאשר השלך אספה אתו בת פרעה ותגדלהו לה לבן׃

  22. מַעֲשֵׂי הַשְּׁלִיחִים ז׳:כ״ב

    וילמד משה בכל חכמת מצרים ויהי גבור בדברים ובמעשים׃

  23. מַעֲשֵׂי הַשְּׁלִיחִים ז׳:כ״ג

    ובמלאת לו ארבעים שנה עלה על לבו לפקד את אחיו בני ישראל׃

  24. מַעֲשֵׂי הַשְּׁלִיחִים ז׳:כ״ד

    וירא איש אחד מעשק חנם ויושע לו ויקם נקמת המכה בהכותו את המצרי׃

  25. מַעֲשֵׂי הַשְּׁלִיחִים ז׳:כ״ה

    ויחשב בלבבו כי יבינו אחיו אשר על ידו יתן האלהים להם תשועה והם לא הבינו׃