פסוקים על Man

¶ זה ספר תולדת אדם ביום ברא אלהים אדם בדמות אלהים עשה אתו׃

זכר ונקבה בראם ויברך אתם ויקרא את שמם אדם ביום הבראם׃

ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו׃

כל רמש אשר הוא חי לכם יהיה לאכלה כירק עשב נתתי לכם את כל׃

הן בעבדיו לא יאמין ובמלאכיו ישים תהלה׃

אף שכני בתי חמר אשר בעפר יסודם ידכאום לפני עש׃

מבקר לערב יכתו מבלי משים לנצח יאבדו׃

הלא נסע יתרם בם ימותו ולא בחכמה׃

אמר אל אלוה אל תרשיעני הודיעני על מה תריבני׃

הטוב לך כי תעשק כי תמאס יגיע כפיך ועל עצת רשעים הופעת׃

ידיך עצבוני ויעשוני יחד סביב ותבלעני׃

זכר נא כי כחמר עשיתני ואל עפר תשיבני׃

הלא כחלב תתיכני וכגבנה תקפיאני׃

עור ובשר תלבישני ובעצמות וגידים תסככני׃

הלאל יסכן גבר כי יסכן עלימו משכיל׃

החפץ לשדי כי תצדק ואם בצע כי תתם דרכיך׃

המיראתך יכיחך יבוא עמך במשפט׃

הלא רעתך רבה ואין קץ לעונתיך׃

ומה יצדק אנוש עם אל ומה יזכה ילוד אשה׃

הן עד ירח ולא יאהיל וכוכבים לא זכו בעיניו׃

אף כי אנוש רמה ובן אדם תולעה׃

הזאת חשבת למשפט אמרת צדקי מאל׃

כי תאמר מה יסכן לך מה אעיל מחטאתי׃

אני אשיבך מלין ואת רעיך עמך׃

הבט שמים וראה ושור שחקים גבהו ממך׃