פסוקים על Man: Insignificance of

הן בעבדיו לא יאמין ובמלאכיו ישים תהלה׃

אף שכני בתי חמר אשר בעפר יסודם ידכאום לפני עש׃

הלאל יסכן גבר כי יסכן עלימו משכיל׃

החפץ לשדי כי תצדק ואם בצע כי תתם דרכיך׃

המיראתך יכיחך יבוא עמך במשפט׃

הלא רעתך רבה ואין קץ לעונתיך׃

ומה יצדק אנוש עם אל ומה יזכה ילוד אשה׃

הן עד ירח ולא יאהיל וכוכבים לא זכו בעיניו׃

אף כי אנוש רמה ובן אדם תולעה׃

הזאת חשבת למשפט אמרת צדקי מאל׃

כי תאמר מה יסכן לך מה אעיל מחטאתי׃

אני אשיבך מלין ואת רעיך עמך׃

הבט שמים וראה ושור שחקים גבהו ממך׃

אם חטאת מה תפעל בו ורבו פשעיך מה תעשה לו׃

אם צדקת מה תתן לו או מה מידך יקח׃

לאיש כמוך רשעך ולבן אדם צדקתך׃

המימיך צוית בקר ידעתה שחר מקמו׃

לאחז בכנפות הארץ וינערו רשעים ממנה׃

כי אראה שמיך מעשי אצבעתיך ירח וכוכבים אשר כוננתה׃

מה אנוש כי תזכרנו ובן אדם כי תפקדנו׃

יהוה מה אדם ותדעהו בן אנוש ותחשבהו׃

אדם להבל דמה ימיו כצל עובר׃