פסוקים על Faith

יעמד ולא אכיר מראהו תמונה לנגד עיני דממה וקול אשמע׃

האנוש מאלוה יצדק אם מעשהו יטהר גבר׃

הן בעבדיו לא יאמין ובמלאכיו ישים תהלה׃

אף שכני בתי חמר אשר בעפר יסודם ידכאום לפני עש׃

מבקר לערב יכתו מבלי משים לנצח יאבדו׃

הלא נסע יתרם בם ימותו ולא בחכמה׃

אולם אני אדרש אל אל ואל אלהים אשים דברתי׃

עשה גדלות ואין חקר נפלאות עד אין מספר׃

הן יקטלני לא איחל אך דרכי אל פניו אוכיח׃

גם הוא לי לישועה כי לא לפניו חנף יבוא׃

ואני ידעתי גאלי חי ואחרון על עפר יקום׃

ואחר עורי נקפו זאת ומבשרי אחזה אלוה׃

אשר אני אחזה לי ועיני ראו ולא זר כלו כליתי בחקי׃

אני שכבתי ואישנה הקיצותי כי יהוה יסמכני׃

לא אירא מרבבות עם אשר סביב שתו עלי׃

סורו ממני כל פעלי און כי שמע יהוה קול בכיי׃

שמע יהוה תחנתי יהוה תפלתי יקח׃

בשוב אויבי אחור יכשלו ויאבדו מפניך׃

כי עשית משפטי ודיני ישבת לכסא שופט צדק׃

ויהי יהוה משגב לדך משגב לעתות בצרה׃

ויבטחו בך יודעי שמך כי לא עזבת דרשיך יהוה׃

¶ מכתם לדוד שמרני אל כי חסיתי בך׃

אמרת ליהוה אדני אתה טובתי בל עליך׃

¶ למנצח לעבד יהוה לדוד אשר דבר ליהוה את דברי השירה הזאת ביום הציל יהוה אותו מכף כל איביו ומיד שאול ויאמר ארחמך יהוה חזקי׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃