פסוקים על Faith

להציל ממות נפשם ולחיותם ברעב׃

נפשנו חכתה ליהוה עזרנו ומגננו הוא׃

כי בו ישמח לבנו כי בשם קדשו בטחנו׃

יהי חסדך יהוה עלינו כאשר יחלנו לך׃

¶ לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃

ביהוה תתהלל נפשי ישמעו ענוים וישמחו׃

גדלו ליהוה אתי ונרוממה שמו יחדו׃

דרשתי את יהוה וענני ומכל מגורותי הצילני׃

הביטו אליו ונהרו ופניהם אל יחפרו׃

זה עני קרא ויהוה שמע ומכל צרותיו הושיעו׃

חנה מלאך יהוה סביב ליראיו ויחלצם׃

טעמו וראו כי טוב יהוה אשרי הגבר יחסה בו׃

ותשועת צדיקים מיהוה מעוזם בעת צרה׃

ויעזרם יהוה ויפלטם יפלטם מרשעים ויושיעם כי חסו בו׃

ויתן בפי שיר חדש תהלה לאלהינו יראו רבים וייראו ויבטחו ביהוה׃

אשרי הגבר אשר שם יהוה מבטחו ולא פנה אל רהבים ושטי כזב׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

אלהי עלי נפשי תשתוחח על כן אזכרך מארץ ירדן וחרמונים מהר מצער׃

¶ למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

על כן לא נירא בהמיר ארץ ובמוט הרים בלב ימים׃

יהמו יחמרו מימיו ירעשו הרים בגאותו סלה׃

ידבר עמים תחתינו ולאמים תחת רגלינו׃

יבחר לנו את נחלתנו את גאון יעקב אשר אהב סלה׃

אני אל אלהים אקרא ויהוה יושיעני׃

ערב ובקר וצהרים אשיחה ואהמה וישמע קולי׃