פסוקים על Faith: General references

ויהי יהוה משגב לדך משגב לעתות בצרה׃

ויבטחו בך יודעי שמך כי לא עזבת דרשיך יהוה׃

הנה עין יהוה אל יראיו למיחלים לחסדו׃

להציל ממות נפשם ולחיותם ברעב׃

¶ לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃

ביהוה תתהלל נפשי ישמעו ענוים וישמחו׃

גדלו ליהוה אתי ונרוממה שמו יחדו׃

דרשתי את יהוה וענני ומכל מגורותי הצילני׃

הביטו אליו ונהרו ופניהם אל יחפרו׃

זה עני קרא ויהוה שמע ומכל צרותיו הושיעו׃

חנה מלאך יהוה סביב ליראיו ויחלצם׃

טעמו וראו כי טוב יהוה אשרי הגבר יחסה בו׃

ויקם עדות ביעקב ותורה שם בישראל אשר צוה את אבותינו להודיעם לבניהם׃

למען ידעו דור אחרון בנים יולדו יקמו ויספרו לבניהם׃

וישימו באלהים כסלם ולא ישכחו מעללי אל ומצותיו ינצרו׃

משמועה רעה לא יירא נכון לבו בטח ביהוה׃

סמוך לבו לא יירא עד אשר יראה בצריו׃

טוב לחסות ביהוה מבטח באדם׃

טוב לחסות ביהוה מבטח בנדיבים׃

ברוך הגבר אשר יבטח ביהוה והיה יהוה מבטחו׃

והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי׃

ויען ישוע ויאמר אליהם אמן אמר אני לכם אם תהיה לכם אמונה ואינכם מסתפקים לא לבד כמעשה התאנה הזאת תעשו כי גם באמרכם אל ההר הזה הנשא והעתק אל תוך הים היו תהיה׃

וכל אשר תשאלו בתפלה ואתם מאמינים תקחהו׃

ויאמר אליו ישוע לאמר אם תוכל להאמין כל יוכל המאמין׃

ויתן אבי הילד את קלו בבכי ויאמר אני מאמין עזר נא לחסרון אמונתי׃