פסוקים על Faith: Exemplified

240 פסוקים · 124 היבטים

פסוקים על Exemplified

סינון לפי ספר
  1. שְׁמֹות ט״ו:א׳

    ¶ אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים׃

  2. שְׁמֹות ט״ו:ב׳

    עזי וזמרת יה ויהי לי לישועה זה אלי ואנוהו אלהי אבי וארממנהו׃

  3. שְׁמֹות ט״ו:ג׳

    יהוה איש מלחמה יהוה שמו׃

  4. שְׁמֹות ט״ו:ד׳

    מרכבת פרעה וחילו ירה בים ומבחר שלשיו טבעו בים סוף׃

  5. שְׁמֹות ט״ו:ה׳

    תהמת יכסימו ירדו במצולת כמו אבן׃

  6. שְׁמֹות ט״ו:ו׳

    ימינך יהוה נאדרי בכח ימינך יהוה תרעץ אויב׃

  7. שְׁמֹות ט״ו:ז׳

    וברב גאונך תהרס קמיך תשלח חרנך יאכלמו כקש׃

  8. שְׁמֹות ט״ו:ח׳

    וברוח אפיך נערמו מים נצבו כמו נד נזלים קפאו תהמת בלב ים׃

  9. שְׁמֹות ט״ו:ט׳

    אמר אויב ארדף אשיג אחלק שלל תמלאמו נפשי אריק חרבי תורישמו ידי׃

  10. שְׁמֹות ט״ו:י׳

    נשפת ברוחך כסמו ים צללו כעופרת במים אדירים׃

  11. שְׁמֹות ט״ו:י״א

    מי כמכה באלם יהוה מי כמכה נאדר בקדש נורא תהלת עשה פלא׃

  12. שְׁמֹות ט״ו:י״ב

    נטית ימינך תבלעמו ארץ׃

  13. שְׁמֹות ט״ו:י״ג

    נחית בחסדך עם זו גאלת נהלת בעזך אל נוה קדשך׃

  14. שְׁמֹות ט״ו:י״ד

    שמעו עמים ירגזון חיל אחז ישבי פלשת׃

  15. שְׁמֹות ט״ו:ט״ו

    אז נבהלו אלופי אדום אילי מואב יאחזמו רעד נמגו כל ישבי כנען׃

  16. שְׁמֹות ט״ו:ט״ז

    תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

  17. שְׁמֹות ט״ו:י״ז

    תבאמו ותטעמו בהר נחלתך מכון לשבתך פעלת יהוה מקדש אדני כוננו ידיך׃

  18. שְׁמֹות ט״ו:י״ח

    יהוה ימלך לעלם ועד׃

  19. שְׁמֹות ט״ו:י״ט

    כי בא סוס פרעה ברכבו ובפרשיו בים וישב יהוה עלהם את מי הים ובני ישראל הלכו ביבשה בתוך הים׃

  20. בְּמִדְבַּר י״ד:ח׳

    אם חפץ בנו יהוה והביא אתנו אל הארץ הזאת ונתנה לנו ארץ אשר הוא זבת חלב ודבש׃

  21. בְּמִדְבַּר י״ד:ט׳

    אך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראם׃

  22. 1 שְׁמוּאֵל י״ז:ל״ו

    גם את הארי גם הדוב הכה עבדך והיה הפלשתי הערל הזה כאחד מהם כי חרף מערכת אלהים חיים׃

  23. 1 שְׁמוּאֵל י״ז:ל״ז

    ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל דוד לך ויהוה יהיה עמך׃

  24. 1 שְׁמוּאֵל י״ז:מ״ה

    ויאמר דוד אל הפלשתי אתה בא אלי בחרב ובחנית ובכידון ואנכי בא אליך בשם יהוה צבאות אלהי מערכות ישראל אשר חרפת׃

  25. 1 שְׁמוּאֵל י״ז:מ״ו

    היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראל׃