פסוקים על Faith

מהלל אקרא יהוה ומן איבי אושע׃

כי אתה תאיר נרי יהוה אלהי יגיה חשכי׃

כי בך ארץ גדוד ובאלהי אדלג שור׃

נרננה בישועתך ובשם אלהינו נדגל ימלא יהוה כל משאלותיך׃

עתה ידעתי כי הושיע יהוה משיחו יענהו משמי קדשו בגברות ישע ימינו׃

אלה ברכב ואלה בסוסים ואנחנו בשם יהוה אלהינו נזכיר׃

בך בטחו אבתינו בטחו ותפלטמו׃

אליך זעקו ונמלטו בך בטחו ולא בושו׃

¶ מזמור לדוד יהוה רעי לא אחסר׃

בנאות דשא ירביצני על מי מנחות ינהלני׃

נפשי ישובב ינחני במעגלי צדק למען שמו׃

גם כי אלך בגיא צלמות לא אירא רע כי אתה עמדי שבטך ומשענתך המה ינחמני׃

תערך לפני שלחן נגד צררי דשנת בשמן ראשי כוסי רויה׃

אך טוב וחסד ירדפוני כל ימי חיי ושבתי בבית יהוה לארך ימים׃

¶ לדוד אליך יהוה נפשי אשא׃

אלהי בך בטחתי אל אבושה אל יעלצו איבי לי׃

כי יצפנני בסכה ביום רעה יסתרני בסתר אהלו בצור ירוממני׃

ועתה ירום ראשי על איבי סביבותי ואזבחה באהלו זבחי תרועה אשירה ואזמרה ליהוה׃

כי סלעי ומצודתי אתה ולמען שמך תנחני ותנהלני׃

תוציאני מרשת זו טמנו לי כי אתה מעוזי׃

בידך אפקיד רוחי פדיתה אותי יהוה אל אמת׃

שנאתי השמרים הבלי שוא ואני אל יהוה בטחתי׃

ואני עליך בטחתי יהוה אמרתי אלהי אתה׃

בידך עתתי הצילני מיד אויבי ומרדפי׃

הנה עין יהוה אל יראיו למיחלים לחסדו׃