פסוקים על Faith

יום אירא אני אליך אבטח׃

באלהים אהלל דברו באלהים בטחתי לא אירא מה יעשה בשר לי׃

נדי ספרתה אתה שימה דמעתי בנאדך הלא בספרתך׃

אז ישובו אויבי אחור ביום אקרא זה ידעתי כי אלהים לי׃

¶ למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃

אקרא לאלהים עליון לאל גמר עלי׃

ישלח משמים ויושיעני חרף שאפי סלה ישלח אלהים חסדו ואמתו׃

עזו אליך אשמרה כי אלהים משגבי׃

אלהי חסדו יקדמני אלהים יראני בשררי׃

מי יבלני עיר מצור מי נחני עד אדום׃

הלא אתה אלהים זנחתנו ולא תצא אלהים בצבאותינו׃

ימים על ימי מלך תוסיף שנותיו כמו דר ודר׃

ישב עולם לפני אלהים חסד ואמת מן ינצרהו׃

אך לאלהים דומי נפשי כי ממנו תקותי׃

אך הוא צורי וישועתי משגבי לא אמוט׃

על אלהים ישעי וכבודי צור עזי מחסי באלהים׃

אם זכרתיך על יצועי באשמרות אהגה בך׃

כי היית עזרתה לי ובצל כנפיך ארנן׃

כי אלהים יושיע ציון ויבנה ערי יהודה וישבו שם וירשוה׃

וזרע עבדיו ינחלוה ואהבי שמו ישכנו בה׃

כי אתה תקותי אדני יהוה מבטחי מנעורי׃

עליך נסמכתי מבטן ממעי אמי אתה גוזי בך תהלתי תמיד׃

כמופת הייתי לרבים ואתה מחסי עז׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

תרב גדלתי ותסב תנחמני׃