פסוקים על Faith

יהוה לי לא אירא מה יעשה לי אדם׃

יהוה לי בעזרי ואני אראה בשנאי׃

טוב לחסות ביהוה מבטח באדם׃

טוב לחסות ביהוה מבטח בנדיבים׃

ואענה חרפי דבר כי בטחתי בדברך׃

ואל תצל מפי דבר אמת עד מאד כי למשפטך יחלתי׃

קויתי יהוה קותה נפשי ולדברו הוחלתי׃

נפשי לאדני משמרים לבקר שמרים לבקר׃

אם אלך בקרב צרה תחיני על אף איבי תשלח ידך ותושיעני ימינך׃

יהוה יגמר בעדי יהוה חסדך לעולם מעשי ידיך אל תרף׃

אמרתי ליהוה אלי אתה האזינה יהוה קול תחנוני׃

יהוה אדני עז ישועתי סכתה לראשי ביום נשק׃

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃

הצילני מאיבי יהוה אליך כסתי׃

בטח אל יהוה בכל לבך ואל בינתך אל תשען׃

בכל דרכיך דעהו והוא יישר ארחתיך׃

אם תשכב לא תפחד ושכבת וערבה שנתך׃

אל תירא מפחד פתאם ומשאת רשעים כי תבא׃

כי יהוה יהיה בכסלך ושמר רגלך מלכד׃

חזקו ידים רפות וברכים כשלות אמצו׃

אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישעכם׃

כי אני יהוה אלהיך מחזיק ימינך האמר לך אל תירא אני עזרתיך׃

אל תיראי תולעת יעקב מתי ישראל אני עזרתיך נאם יהוה וגאלך קדוש ישראל׃

¶ ועתה כה אמר יהוה בראך יעקב ויצרך ישראל אל תירא כי גאלתיך קראתי בשמך לי אתה׃

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃