Mistari ya Biblia kuhusu Faith

Bwana yuko pamoja nami, sitaogopa. Mwanadamu anaweza kunitenda nini?

Bwana yuko pamoja nami, yeye ni msaidizi wangu. Nitawatazama adui zangu wakiwa wameshindwa.

Ni bora kumkimbilia Bwana kuliko kumtumainia mwanadamu.

Ni bora kumkimbilia Bwana kuliko kuwatumainia wakuu.

ndipo nitakapomjibu anayenidhihaki, kwa kuwa ninalitumainia neno lako.

Usilinyakue neno la kweli kutoka kinywani mwangu, kwa kuwa nimeweka tumaini langu katika amri zako.

Namngojea Bwana, nafsi yangu inangojea, katika neno lake naweka tumaini langu.

Nafsi yangu inamngojea Bwana kuliko walinzi waingojeavyo asubuhi, naam, kuliko walinzi waingojeavyo asubuhi.

Nijapopita katikati ya shida, wewe unayahifadhi maisha yangu, unanyoosha mkono wako dhidi ya hasira ya adui zangu, kwa mkono wako wa kuume unaniokoa.

Bwana atatimiza kusudi lake kwangu, Ee Bwana, upendo wako wadumu milele: usiziache kazi za mikono yako.

Ee Bwana, ninakuambia, “Wewe ni Mungu wangu.” Ee Bwana, usikie kilio changu na kunihurumia.

Ee Bwana Mwenyezi, Mwokozi wangu mwenye nguvu, unikingaye kichwa changu siku ya vita:

Asubuhi uniletee neno la upendo wako usiokoma, kwa kuwa nimeweka tumaini langu kwako. Nionyeshe njia nitakayoiendea, kwa kuwa kwako nainua nafsi yangu.

Ee Bwana, uniokoe na adui zangu, kwa kuwa nimejificha kwako.

Mtumaini Bwana kwa moyo wako wote wala usizitegemee akili zako mwenyewe;

katika njia zako zote mkiri yeye, naye atayanyoosha mapito yako.

ulalapo, hautaogopa; ulalapo usingizi wako utakuwa mtamu.

Usiogope maafa ya ghafula au maangamizi yanayowapata waovu,

kwa kuwa Bwana atakuwa tumaini lako na kuepusha mguu wako kunaswa katika mtego.

Itieni nguvu mikono iliyo dhaifu, yafanyeni imara magoti yaliyolegea,

waambieni wale wenye mioyo ya hofu, “Kuweni hodari, msiogope; tazama, Mungu wenu atakuja, pamoja na malipo ya Mungu, atakuja na kuwaokoa ninyi.”

Kwa maana Mimi ndimi Bwana, Mungu wako, nikushikaye mkono wako wa kuume na kukuambia, Usiwe na hofu, nitakusaidia.

Usiogope, ee Yakobo uliye mdudu, ee Israeli uliye mdogo, kwa kuwa Mimi mwenyewe nitakusaidia,” asema Bwana, Mkombozi wako, yeye Aliye Mtakatifu wa Israeli.

Lakini sasa hili ndilo asemalo Bwana, yeye aliyekuumba, ee Yakobo, yeye aliyekuhuluku, ee Israeli: “Usiogope kwa maana nimekukomboa, nimekuita wewe kwa jina lako, wewe u wangu.

Unapopita kwenye maji makuu, nitakuwa pamoja nawe, unapopita katika mito ya maji, hayatakugharikisha. Utakapopita katika moto, hutaungua, miali ya moto haitakuunguza.