פסוקים על Faith

ואני תמיד עמך אחזת ביד ימיני׃

בעצתך תנחני ואחר כבוד תקחני׃

ואמר חלותי היא שנות ימין עליון׃

אזכיר מעללי יה כי אזכרה מקדם פלאך׃

והגיתי בכל פעלך ובעלילותיך אשיחה׃

ויקם עדות ביעקב ותורה שם בישראל אשר צוה את אבותינו להודיעם לבניהם׃

למען ידעו דור אחרון בנים יולדו יקמו ויספרו לבניהם׃

וישימו באלהים כסלם ולא ישכחו מעללי אל ומצותיו ינצרו׃

¶ ישב בסתר עליון בצל שדי יתלונן׃

אמר ליהוה מחסי ומצודתי אלהי אבטח בו׃

כי אתה יהוה מחסי עליון שמת מעונך׃

לא תאנה אליך רעה ונגע לא יקרב באהלך׃

כי לא יטש יהוה עמו ונחלתו לא יעזב׃

כי עד צדק ישוב משפט ואחריו כל ישרי לב׃

לולי יהוה עזרתה לי כמעט שכנה דומה נפשי׃

אם אמרתי מטה רגלי חסדך יהוה יסעדני׃

מי יבלני עיר מבצר מי נחני עד אדום׃

הלא אלהים זנחתנו ולא תצא אלהים בצבאתינו׃

הבה לנו עזרת מצר ושוא תשועת אדם׃

באלהים נעשה חיל והוא יבוס צרינו׃

משמועה רעה לא יירא נכון לבו בטח ביהוה׃

סמוך לבו לא יירא עד אשר יראה בצריו׃

יהוה זכרנו יברך יברך את בית ישראל יברך את בית אהרן׃

יברך יראי יהוה הקטנים עם הגדלים׃

יסף יהוה עליכם עליכם ועל בניכם׃