Mistari ya Biblia kuhusu Faith

Yule roho akasimama, lakini sikuweza kutambua kilikuwa kitu gani. Umbo fulani lilisimama mbele ya macho yangu, kukawa na ukimya kisha nikasikia sauti:

‘Je, binadamu aweza kuwa mwadilifu kuliko Mungu? Je, mtu aweza kuwa safi kuliko Muumba wake?

Kama Mungu hawaamini watumishi wake, kama yeye huwalaumu malaika zake kwa kukosea,

ni mara ngapi zaidi wale waishio katika nyumba za udongo wa mfinyanzi, ambazo misingi yake ipo mavumbini, ambao wamepondwa kama nondo!

Kati ya mawio na machweo huvunjwa vipande vipande; bila yeyote kutambua, huangamia milele.

Je, kamba za hema yao hazikungʼolewa, hivyo hufa bila hekima?’

“Lakini ingekuwa ni mimi, ningemlalamikia Mungu, ningeliweka shauri langu mbele zake.

Yeye hutenda maajabu yasiyoweza kutambuliwa, miujiza isiyoweza kuhesabika.

Ingawa ataniua, bado nitamtumaini; hakika nitazitetea njia zangu mbele zake.

Naam, hili litanigeukia kuwa wokovu wangu, kwa maana hakuna mtu asiyemcha Mungu atakayethubutu kuja mbele yake!

Ninajua kwamba Mkombozi wangu yu hai, naye kwamba mwishoni atasimama juu ya nchi.

Nami baada ya ngozi yangu kuharibiwa, bado nikiwa na mwili huu nitamwona Mungu;

mimi nitamwona kwa macho yangu mwenyewe: mimi, wala si mwingine. Tazama jinsi moyo wangu unavyomtamani sana!

Ninajilaza na kupata usingizi; naamka tena, kwa maana Bwana hunitegemeza.

Sitaogopa makumi elfu ya adui, wanaojipanga dhidi yangu kila upande.

Kaeni mbali nami, ninyi nyote mtendao mabaya, kwa maana Bwana amesikia kulia kwangu.

Bwana amesikia kilio changu kwa huruma, Bwana amekubali sala yangu.

Adui zangu wamerudi nyuma, wamejikwaa na kuangamia mbele zako.

Kwa maana umetetea haki yangu na msimamo wangu; umeketi kwenye kiti chako cha enzi, ukihukumu kwa haki.

Bwana ni kimbilio la watu wanaoonewa, ni ngome imara wakati wa shida.

Wote wanaolijua jina lako watakutumaini wewe, kwa maana wewe Bwana, hujawaacha kamwe wakutafutao.

Utenzi wa Daudi. Ee Mungu, uniweke salama, kwa maana kwako nimekimbilia.

Nilimwambia Bwana, “Wewe ndiwe Bwana wangu; pasipo wewe sina jambo jema.”

Kwa mwimbishaji. Zaburi ya Daudi mtumishi wa Bwana aliyomwimbia Bwana wakati Bwana alipomwokoa mikononi mwa adui zake wote, na pia mkononi mwa Sauli. Alisema hivi: Nakupenda wewe, Ee Bwana, nguvu yangu.

Bwana ni mwamba wangu, ngome yangu na mwokozi wangu, Mungu wangu ni mwamba, ambaye kwake ninakimbilia. Yeye ni ngao yangu na pembe ya wokovu wangu, ngome yangu.