פסוקים על Afflicted Saints

זעף יהוה אשא כי חטאתי לו עד אשר יריב ריבי ועשה משפטי יוציאני לאור אראה בצדקתו׃

טוב יהוה למעוז ביום צרה וידע חסי בו׃

אשרי האבלים כי הם ינחמו׃

לכו אלי כל העמלים והטעונים ואני אניח לכם׃

קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם׃

כי עלי נעים הוא וקל משאי׃

וכראות אתה האדון נכמרו רחמיו עליה ויאמר לה אל תבכי׃

אך לא יפל משערת ראשכם ארצה׃

בתוחלתכם קנו לכם את נפשתיכם׃

ויהי אחרי כן וימצאהו ישוע בבית המקדש ויאמר אליו הנה נרפא לך אל תוסיף לחטא פן תאנה אליך רעה גדולה מזאת׃

¶ אל יבהל לבבכם האמינו באלהים ובי האמינו׃

לא אעזבכם יתומים אבואה אליכם׃

את אלה דברתי אליכם למען בי יהיה לכם שלום בעולם יהיה לכם עני אך יאמץ לבבכם אני נצחתי את העולם׃

ועתה הנני אסיר הרוח ללכת ירושלים ואינני יודע מה יקרני שם׃

אפס כי רוח הקדש מעיד בכל עיר ועיר לאמר כי מוסרות וצרות נכונו לי׃

אבל לא אחוש לאחת מהנה וגם נפשי לא יקרה בעיני למען אשלים בשמחה את מרוצתי ואת השרות אשר קבלתי מאת האדון ישוע להעיד על בשורת חסד אליהם׃

ויען פולוס ויאמר מה לכם אשר תבכו ותשברו לבבי כי נכון אנכי לא לבד להאסר כי גם למות בירושלים על שם ישוע האדון׃

שמחו בתוחלת סבלו בצרה שקדו על התפלה׃

גדפו אתנו ותנחנן ונהי כגללי העולם ולסחי לכלם עד עתה׃

המנחם אתנו בכל לחצנו עד שנוכל לנחם הנלחצים בכל לחץ בנחמה אשר אנחנו מנחמים בה מאת האלהים׃

כי כרב ענויי המשיח בנו כן תרבה נחמתנו על ידי המשיח׃

ואנחנו בלבבנו חרצנו לנו את המות למען לא נהיה בטחים בנפשנו כי אם באלהים המחיה את המתים׃

אשר הצילנו ממות כזה ועודנו מציל ולו אנחנו מקוים כי יוסיף להצילנו׃

כי אם נראה בכל דבר כמשרתי אלהים בסבלנות רבה בלחץ ובצרות ובמצוקות׃

במכות ובמוסרות ובמהומות בתלאות בשקידות ובצומות׃