פסוקים על Afflicted Saints

ואני בחסדך בטחתי יגל לבי בישועתך׃

אשירה ליהוה כי גמל עלי׃

כי יצפנני בסכה ביום רעה יסתרני בסתר אהלו בצור ירוממני׃

ועתה ירום ראשי על איבי סביבותי ואזבחה באהלו זבחי תרועה אשירה ואזמרה ליהוה׃

אל תסתר פניך ממני אל תט באף עבדך עזרתי היית אל תטשני ואל תעזבני אלהי ישעי׃

דרשתי את יהוה וענני ומכל מגורותי הצילני׃

רבות רעות צדיק ומכלם יצילנו יהוה׃

שמר כל עצמותיו אחת מהנה לא נשברה׃

נאלמתי לא אפתח פי כי אתה עשית׃

אלהים בקרבה בל תמוט יעזרה אלהים לפנות בקר׃

יהוה צבאות עמנו משגב לנו אלהי יעקב סלה׃

וקראני ביום צרה אחלצך ותכבדני׃

ולרשע אמר אלהים מה לך לספר חקי ותשא בריתי עלי פיך׃

ואתה שנאת מוסר ותשלך דברי אחריך׃

נדי ספרתה אתה שימה דמעתי בנאדך הלא בספרתך׃

אז ישובו אויבי אחור ביום אקרא זה ידעתי כי אלהים לי׃

באלהים אהלל דבר ביהוה אהלל דבר׃

רשת הכינו לפעמי כפף נפשי כרו לפני שיחה נפלו בתוכה סלה׃

נכון לבי אלהים נכון לבי אשירה ואזמרה׃

אבוא ביתך בעולות אשלם לך נדרי׃

אשר פצו שפתי ודבר פי בצר לי׃

עלות מחים אעלה לך עם קטרת אילים אעשה בקר עם עתודים סלה׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

תרב גדלתי ותסב תנחמני׃

גם אני אודך בכלי נבל אמתך אלהי אזמרה לך בכנור קדוש ישראל׃