פסוקים על Afflicted Saints

122 פסוקים · 31 היבטים

פסוקי מפתח

סינון לפי ספר
  1. תְהִלִּים ע״א:כ״ג

    תרננה שפתי כי אזמרה לך ונפשי אשר פדית׃

  2. תְהִלִּים ק״ה:י״ז

    שלח לפניהם איש לעבד נמכר יוסף׃

  3. תְהִלִּים ק״ה:י״ח

    ענו בכבל רגליו ברזל באה נפשו׃

  4. תְהִלִּים ק״ה:י״ט

    עד עת בא דברו אמרת יהוה צרפתהו׃

  5. תְהִלִּים קט״ז:ז׳

    שובי נפשי למנוחיכי כי יהוה גמל עליכי׃

  6. תְהִלִּים קט״ז:ח׳

    כי חלצת נפשי ממות את עיני מן דמעה את רגלי מדחי׃

  7. תְהִלִּים קט״ז:ט׳

    אתהלך לפני יהוה בארצות החיים׃

  8. מִשְׁלֵי ג׳:י״א

    מוסר יהוה בני אל תמאס ואל תקץ בתוכחתו׃

  9. מִשְׁלֵי י״ב:י״ג

    בפשע שפתים מוקש רע ויצא מצרה צדיק׃

  10. יְשַׁעְיָהוּ כ״ה:ד׳

    כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר׃

  11. יְשַׁעְיָהוּ מ״ג:ב׳

    כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

  12. יְשַׁעְיָהוּ מ״ט:י״ג

    רנו שמים וגילי ארץ יפצחו הרים רנה כי נחם יהוה עמו ועניו ירחם׃

  13. יְשַׁעְיָהוּ ס״א:ב׳

    לקרא שנת רצון ליהוה ויום נקם לאלהינו לנחם כל אבלים׃

  14. יְשַׁעְיָהוּ ס״ג:ט׳

    בכל צרתם לא צר ומלאך פניו הושיעם באהבתו ובחמלתו הוא גאלם וינטלם וינשאם כל ימי עולם׃

  15. יְשַׁעְיָהוּ ס״ד:ה׳

    פגעת את שש ועשה צדק בדרכיך יזכרוך הן אתה קצפת ונחטא בהם עולם ונושע׃

  16. יְשַׁעְיָהוּ ס״ד:ו׳

    ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו׃

  17. יְשַׁעְיָהוּ ס״ד:ז׳

    ואין קורא בשמך מתעורר להחזיק בך כי הסתרת פניך ממנו ותמוגנו ביד עוננו׃

  18. יִרְמְיָהוּ ט״ז:י״ט

    יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שקר נחלו אבותינו הבל ואין בם מועיל׃

  19. יִרְמְיָהוּ ל״א:י״ג

    אז תשמח בתולה במחול ובחרים וזקנים יחדו והפכתי אבלם לששון ונחמתים ושמחתים מיגונם׃

  20. יִרְמְיָהוּ ל״ט:י״ז

    והצלתיך ביום ההוא נאם יהוה ולא תנתן ביד האנשים אשר אתה יגור מפניהם׃

  21. יִרְמְיָהוּ ל״ט:י״ח

    כי מלט אמלטך ובחרב לא תפל והיתה לך נפשך לשלל כי בטחת בי נאם יהוה׃

  22. יִרְמְיָהוּ נ׳:ג׳

    כי עלה עליה גוי מצפון הוא ישית את ארצה לשמה ולא יהיה יושב בה מאדם ועד בהמה נדו הלכו׃

  23. יִרְמְיָהוּ נ׳:ד׳

    בימים ההמה ובעת ההיא נאם יהוה יבאו בני ישראל המה ובני יהודה יחדו הלוך ובכו ילכו ואת יהוה אלהיהם יבקשו׃

  24. אֵיכָה ג׳:ל״ט

    מה יתאונן אדם חי גבר על חטאו׃

  25. הוֹשֵׁעַ ו׳:א׳

    ¶ לכו ונשובה אל יהוה כי הוא טרף וירפאנו יך ויחבשנו׃