פסוקים על Afflicted Saints: David

9 פסוקים · 31 היבטים

פסוקים על David

  1. 2 שְׁמוּאֵל י״ב:ט״ו

    וילך נתן אל ביתו ויגף יהוה את הילד אשר ילדה אשת אוריה לדוד ויאנש׃

  2. 2 שְׁמוּאֵל י״ב:ט״ז

    ויבקש דוד את האלהים בעד הנער ויצם דוד צום ובא ולן ושכב ארצה׃

  3. 2 שְׁמוּאֵל י״ב:י״ז

    ויקמו זקני ביתו עליו להקימו מן הארץ ולא אבה ולא ברא אתם לחם׃

  4. 2 שְׁמוּאֵל י״ב:י״ח

    ויהי ביום השביעי וימת הילד ויראו עבדי דוד להגיד לו כי מת הילד כי אמרו הנה בהיות הילד חי דברנו אליו ולא שמע בקולנו ואיך נאמר אליו מת הילד ועשה רעה׃

  5. 2 שְׁמוּאֵל י״ב:י״ט

    וירא דוד כי עבדיו מתלחשים ויבן דוד כי מת הילד ויאמר דוד אל עבדיו המת הילד ויאמרו מת׃

  6. 2 שְׁמוּאֵל י״ב:כ׳

    ויקם דוד מהארץ וירחץ ויסך ויחלף שמלתו ויבא בית יהוה וישתחו ויבא אל ביתו וישאל וישימו לו לחם ויאכל׃

  7. 2 שְׁמוּאֵל י״ב:כ״א

    ויאמרו עבדיו אליו מה הדבר הזה אשר עשיתה בעבור הילד חי צמת ותבך וכאשר מת הילד קמת ותאכל לחם׃

  8. 2 שְׁמוּאֵל י״ב:כ״ב

    ויאמר בעוד הילד חי צמתי ואבכה כי אמרתי מי יודע יחנני יהוה וחי הילד׃

  9. 2 שְׁמוּאֵל י״ב:כ״ג

    ועתה מת למה זה אני צם האוכל להשיבו עוד אני הלך אליו והוא לא ישוב אלי׃