circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

2 דִּבְרֵי הַיָּמִים כ׳:ל״גבערך תי״ד לפנה״ס
אך הבמות לא סרו ועוד העם לא הכינו לבבם לאלהי אבתיהם׃
2 דִּבְרֵי הַיָּמִים כ׳:ל״דבערך תי״ד לפנה״ס
ויתר דברי יהושפט הראשנים והאחרנים הנם כתובים בדברי יהוא בן חנני אשר העלה על ספר מלכי ישראל׃
2 דִּבְרֵי הַיָּמִים כ׳:ל״הבערך תתצ״ו לפנה״ס
ואחריכן אתחבר יהושפט מלך יהודה עם אחזיה מלך ישראל הוא הרשיע לעשות׃
2 דִּבְרֵי הַיָּמִים כ׳:ל״ובערך תתצ״ו לפנה״ס
ויחברהו עמו לעשות אניות ללכת תרשיש ויעשו אניות בעציון גבר׃
2 דִּבְרֵי הַיָּמִים כ׳:ל״זבערך תתצ״ו לפנה״ס
ויתנבא אליעזר בן דדוהו ממרשה על יהושפט לאמר כהתחברך עם אחזיהו פרץ יהוה את מעשיך וישברו אניות ולא עצרו ללכת אל תרשיש׃
2 דִּבְרֵי הַיָּמִים כ״א:א׳בערך תתפ״ט לפנה״ס
¶ וישכב יהושפט עם אבתיו ויקבר עם אבתיו בעיר דויד וימלך יהורם בנו תחתיו׃
2 דִּבְרֵי הַיָּמִים כ״א:ב׳בערך תתפ״ט לפנה״ס
ולו אחים בני יהושפט עזריה ויחיאל וזכריהו ועזריהו ומיכאל ושפטיהו כל אלה בני יהושפט מלך ישראל׃
2 דִּבְרֵי הַיָּמִים כ״א:ג׳בערך תתפ״ט לפנה״ס
ויתן להם אביהם מתנות רבות לכסף ולזהב ולמגדנות עם ערי מצרות ביהודה ואת הממלכה נתן ליהורם כי הוא הבכור׃
2 דִּבְרֵי הַיָּמִים כ״א:ד׳בערך תתפ״ט לפנה״ס
ויקם יהורם על ממלכת אביו ויתחזק ויהרג את כל אחיו בחרב וגם משרי ישראל׃
2 דִּבְרֵי הַיָּמִים כ״א:ה׳בערך תתצ״ב לפנה״ס
בן שלשים ושתים שנה יהורם במלכו ושמונה שנים מלך בירושלם׃
2 דִּבְרֵי הַיָּמִים כ״א:ו׳בערך תתצ״ב לפנה״ס
וילך בדרך מלכי ישראל כאשר עשו בית אחאב כי בת אחאב היתה לו אשה ויעש הרע בעיני יהוה׃
2 דִּבְרֵי הַיָּמִים כ״א:ז׳בערך תתצ״ב לפנה״ס
ולא אבה יהוה להשחית את בית דויד למען הברית אשר כרת לדויד וכאשר אמר לתת לו ניר ולבניו כל הימים׃
2 דִּבְרֵי הַיָּמִים כ״א:ח׳בערך תתפ״ט לפנה״ס
בימיו פשע אדום מתחת יד יהודה וימליכו עליהם מלך׃
2 דִּבְרֵי הַיָּמִים כ״א:ט׳בערך תתפ״ט לפנה״ס
ויעבר יהורם עם שריו וכל הרכב עמו ויהי קם לילה ויך את אדום הסובב אליו ואת שרי הרכב׃
2 דִּבְרֵי הַיָּמִים כ״א:י׳בערך תתפ״ט לפנה״ס
ויפשע אדום מתחת יד יהודה עד היום הזה אז תפשע לבנה בעת ההיא מתחת ידו כי עזב את יהוה אלהי אבתיו׃
2 דִּבְרֵי הַיָּמִים כ״א:י״אבערך תתפ״ט לפנה״ס
גם הוא עשה במות בהרי יהודה ויזן את ישבי ירושלם וידח את יהודה׃
2 דִּבְרֵי הַיָּמִים כ״א:י״בבערך תתפ״ח לפנה״ס
ויבא אליו מכתב מאליהו הנביא לאמר כה אמר יהוה אלהי דויד אביך תחת אשר לא הלכת בדרכי יהושפט אביך ובדרכי אסא מלך יהודה׃
2 דִּבְרֵי הַיָּמִים כ״א:י״גבערך תתפ״ח לפנה״ס
ותלך בדרך מלכי ישראל ותזנה את יהודה ואת ישבי ירושלם כהזנות בית אחאב וגם את אחיך בית אביך הטובים ממך הרגת׃
2 דִּבְרֵי הַיָּמִים כ״א:י״דבערך תתפ״ח לפנה״ס
הנה יהוה נגף מגפה גדולה בעמך ובבניך ובנשיך ובכל רכושך׃
2 דִּבְרֵי הַיָּמִים כ״א:ט״ובערך תתפ״ח לפנה״ס
ואתה בחליים רבים במחלה מעיך עד יצאו מעיך מן החלי ימים על ימים׃
2 דִּבְרֵי הַיָּמִים כ״א:ט״זבערך תתפ״ז לפנה״ס
ויער יהוה על יהורם את רוח הפלשתים והערבים אשר על יד כושים׃
2 דִּבְרֵי הַיָּמִים כ״א:י״זבערך תתפ״ז לפנה״ס
ויעלו ביהודה ויבקעוה וישבו את כל הרכוש הנמצא לבית המלך וגם בניו ונשיו ולא נשאר לו בן כי אם יהואחז קטן בניו׃
2 דִּבְרֵי הַיָּמִים כ״א:י״חבערך תתפ״ז לפנה״ס
ואחרי כל זאת נגפו יהוה במעיו לחלי לאין מרפא׃
2 דִּבְרֵי הַיָּמִים כ״א:י״טבערך תתפ״ז לפנה״ס
ויהי לימים מימים וכעת צאת הקץ לימים שנים יצאו מעיו עם חליו וימת בתחלאים רעים ולא עשו לו עמו שרפה כשרפת אבתיו׃
2 דִּבְרֵי הַיָּמִים כ״א:כ׳בערך תתפ״ה לפנה״ס
בן שלשים ושתים היה במלכו ושמונה שנים מלך בירושלם וילך בלא חמדה ויקברהו בעיר דויד ולא בקברות המלכים׃

מציג 1,326–1,350 מתוך 1,722 פסוקים

הקודם 1...52 53 54 55 56...69 הבא