circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

2 דִּבְרֵי הַיָּמִים כ״ב:א׳
¶ וימליכו יושבי ירושלם את אחזיהו בנו הקטן תחתיו כי כל הראשנים הרג הגדוד הבא בערבים למחנה וימלך אחזיהו בן יהורם מלך יהודה׃
2 דִּבְרֵי הַיָּמִים כ״ב:ב׳בערך תתפ״ה לפנה״ס
בן ארבעים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי׃
2 דִּבְרֵי הַיָּמִים כ״ב:ג׳בערך תתפ״ה לפנה״ס
גם הוא הלך בדרכי בית אחאב כי אמו היתה יועצתו להרשיע׃
2 דִּבְרֵי הַיָּמִים כ״ב:ד׳בערך תתפ״ה לפנה״ס
ויעש הרע בעיני יהוה כבית אחאב כי המה היו לו יועצים אחרי מות אביו למשחית לו׃
2 דִּבְרֵי הַיָּמִים כ״ב:ה׳בערך תתפ״ה לפנה״ס
גם בעצתם הלך וילך את יהורם בן אחאב מלך ישראל למלחמה על חזאל מלך ארם ברמות גלעד ויכו הרמים את יורם׃
2 דִּבְרֵי הַיָּמִים כ״ב:ו׳בערך תתפ״ה לפנה״ס
וישב להתרפא ביזרעאל כי המכים אשר הכהו ברמה בהלחמו את חזהאל מלך ארם ועזריהו בן יהורם מלך יהודה ירד לראות את יהורם בן אחאב ביזרעאל כי חלה הוא׃
2 דִּבְרֵי הַיָּמִים כ״ב:ז׳בערך תתפ״ה לפנה״ס
ומאלהים היתה תבוסת אחזיהו לבוא אל יורם ובבאו יצא עם יהורם אל יהוא בן נמשי אשר משחו יהוה להכרית את בית אחאב׃
2 דִּבְרֵי הַיָּמִים כ״ב:ח׳בערך תתפ״ה לפנה״ס
ויהי כהשפט יהוא עם בית אחאב וימצא את שרי יהודה ובני אחי אחזיהו משרתים לאחזיהו ויהרגם׃
2 דִּבְרֵי הַיָּמִים כ״ב:ט׳בערך תתפ״ה לפנה״ס
ויבקש את אחזיהו וילכדהו והוא מתחבא בשמרון ויבאהו אל יהוא וימתהו ויקברהו כי אמרו בן יהושפט הוא אשר דרש את יהוה בכל לבבו ואין לבית אחזיהו לעצר כח לממלכה׃
2 דִּבְרֵי הַיָּמִים כ״ב:י׳בערך תתפ״ה לפנה״ס
ועתליהו אם אחזיהו ראתה כי מת בנה ותקם ותדבר את כל זרע הממלכה לבית יהודה׃
2 דִּבְרֵי הַיָּמִים כ״ב:י״אבערך תתפ״ה לפנה״ס
ותקח יהושבעת בת המלך את יואש בן אחזיהו ותגנב אתו מתוך בני המלך המומתים ותתן אתו ואת מינקתו בחדר המטות ותסתירהו יהושבעת בת המלך יהורם אשת יהוידע הכהן כי היא היתה אחות אחזיהו מפני עתליהו ולא המיתתהו׃
2 דִּבְרֵי הַיָּמִים כ״ב:י״בבערך תתפ״ד לפנה״ס
ויהי אתם בבית האלהים מתחבא שש שנים ועתליה מלכת על הארץ׃
2 דִּבְרֵי הַיָּמִים כ״ג:א׳בערך תתע״ח לפנה״ס
¶ ובשנה השבעית התחזק יהוידע ויקח את שרי המאות לעזריהו בן ירחם ולישמעאל בן יהוחנן ולעזריהו בן עובד ואת מעשיהו בן עדיהו ואת אלישפט בן זכרי עמו בברית׃
2 דִּבְרֵי הַיָּמִים כ״ג:ב׳בערך תתע״ח לפנה״ס
ויסבו ביהודה ויקבצו את הלוים מכל ערי יהודה וראשי האבות לישראל ויבאו אל ירושלם׃
2 דִּבְרֵי הַיָּמִים כ״ג:ג׳בערך תתע״ח לפנה״ס
ויכרת כל הקהל ברית בבית האלהים עם המלך ויאמר להם הנה בן המלך ימלך כאשר דבר יהוה על בני דויד׃
2 דִּבְרֵי הַיָּמִים כ״ג:ד׳בערך תתע״ח לפנה״ס
זה הדבר אשר תעשו השלשית מכם באי השבת לכהנים וללוים לשערי הספים׃
2 דִּבְרֵי הַיָּמִים כ״ג:ה׳בערך תתע״ח לפנה״ס
והשלשית בבית המלך והשלשית בשער היסוד וכל העם בחצרות בית יהוה׃
2 דִּבְרֵי הַיָּמִים כ״ג:ו׳בערך תתע״ח לפנה״ס
ואל יבוא בית יהוה כי אם הכהנים והמשרתים ללוים המה יבאו כי קדש המה וכל העם ישמרו משמרת יהוה׃
2 דִּבְרֵי הַיָּמִים כ״ג:ז׳בערך תתע״ח לפנה״ס
והקיפו הלוים את המלך סביב איש וכליו בידו והבא אל הבית יומת והיו את המלך בבאו ובצאתו׃
2 דִּבְרֵי הַיָּמִים כ״ג:ח׳בערך תתע״ח לפנה״ס
ויעשו הלוים וכל יהודה ככל אשר צוה יהוידע הכהן ויקחו איש את אנשיו באי השבת עם יוצאי השבת כי לא פטר יהוידע הכהן את המחלקות׃
2 דִּבְרֵי הַיָּמִים כ״ג:ט׳בערך תתע״ח לפנה״ס
ויתן יהוידע הכהן לשרי המאות את החניתים ואת המגנות ואת השלטים אשר למלך דויד אשר בית האלהים׃
2 דִּבְרֵי הַיָּמִים כ״ג:י׳בערך תתע״ח לפנה״ס
ויעמד את כל העם ואיש שלחו בידו מכתף הבית הימנית עד כתף הבית השמאלית למזבח ולבית על המלך סביב׃
2 דִּבְרֵי הַיָּמִים כ״ג:י״אבערך תתע״ח לפנה״ס
ויוציאו את בן המלך ויתנו עליו את הנזר ואת העדות וימליכו אתו וימשחהו יהוידע ובניו ויאמרו יחי המלך׃
2 דִּבְרֵי הַיָּמִים כ״ג:י״בבערך תתע״ח לפנה״ס
ותשמע עתליהו את קול העם הרצים והמהללים את המלך ותבוא אל העם בית יהוה׃
2 דִּבְרֵי הַיָּמִים כ״ג:י״גבערך תתע״ח לפנה״ס
ותרא והנה המלך עומד על עמודו במבוא והשרים והחצצרות על המלך וכל עם הארץ שמח ותוקע בחצצרות והמשוררים בכלי השיר ומודיעים להלל ותקרע עתליהו את בגדיה ותאמר קשר קשר׃

מציג 1,351–1,375 מתוך 1,722 פסוקים

הקודם 1...53 54 55 56 57...69 הבא