circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שְׁמֹות כ׳:כ״בבערך תצ״א לפנה״ס

    ויאמר יהוה אל משה כה תאמר אל בני ישראל אתם ראיתם כי מן השמים דברתי עמכם׃

  2. שְׁמֹות כ׳:כ״גבערך תצ״א לפנה״ס

    לא תעשון אתי אלהי כסף ואלהי זהב לא תעשו לכם׃

  3. שְׁמֹות כ׳:כ״דבערך תצ״א לפנה״ס

    מזבח אדמה תעשה לי וזבחת עליו את עלתיך ואת שלמיך את צאנך ואת בקרך בכל המקום אשר אזכיר את שמי אבוא אליך וברכתיך׃

  4. שְׁמֹות כ׳:כ״הבערך תצ״א לפנה״ס

    ואם מזבח אבנים תעשה לי לא תבנה אתהן גזית כי חרבך הנפת עליה ותחללה׃

  5. שְׁמֹות כ׳:כ״ובערך תצ״א לפנה״ס

    ולא תעלה במעלת על מזבחי אשר לא תגלה ערותך עליו׃

  6. שְׁמֹות כ״א:א׳בערך תצ״א לפנה״ס

    ¶ ואלה המשפטים אשר תשים לפניהם׃

  7. שְׁמֹות כ״א:ב׳בערך תצ״א לפנה״ס

    כי תקנה עבד עברי שש שנים יעבד ובשבעת יצא לחפשי חנם׃

  8. שְׁמֹות כ״א:ג׳בערך תצ״א לפנה״ס

    אם בגפו יבא בגפו יצא אם בעל אשה הוא ויצאה אשתו עמו׃

  9. שְׁמֹות כ״א:ד׳בערך תצ״א לפנה״ס

    אם אדניו יתן לו אשה וילדה לו בנים או בנות האשה וילדיה תהיה לאדניה והוא יצא בגפו׃

  10. שְׁמֹות כ״א:ה׳בערך תצ״א לפנה״ס

    ואם אמר יאמר העבד אהבתי את אדני את אשתי ואת בני לא אצא חפשי׃

  11. שְׁמֹות כ״א:ו׳בערך תצ״א לפנה״ס

    והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם׃

  12. שְׁמֹות כ״א:ז׳בערך תצ״א לפנה״ס

    וכי ימכר איש את בתו לאמה לא תצא כצאת העבדים׃

  13. שְׁמֹות כ״א:ח׳בערך תצ״א לפנה״ס

    אם רעה בעיני אדניה אשר לא יעדה והפדה לעם נכרי לא ימשל למכרה בבגדו בה׃

  14. שְׁמֹות כ״א:ט׳בערך תצ״א לפנה״ס

    ואם לבנו ייעדנה כמשפט הבנות יעשה לה׃

  15. שְׁמֹות כ״א:י׳בערך תצ״א לפנה״ס

    אם אחרת יקח לו שארה כסותה וענתה לא יגרע׃

  16. שְׁמֹות כ״א:י״אבערך תצ״א לפנה״ס

    ואם שלש אלה לא יעשה לה ויצאה חנם אין כסף׃

  17. שְׁמֹות כ״א:י״בבערך תצ״א לפנה״ס

    מכה איש ומת מות יומת׃

  18. שְׁמֹות כ״א:י״גבערך תצ״א לפנה״ס

    ואשר לא צדה והאלהים אנה לידו ושמתי לך מקום אשר ינוס שמה׃

  19. שְׁמֹות כ״א:י״דבערך תצ״א לפנה״ס

    וכי יזד איש על רעהו להרגו בערמה מעם מזבחי תקחנו למות׃

  20. שְׁמֹות כ״א:ט״ובערך תצ״א לפנה״ס

    ומכה אביו ואמו מות יומת׃

  21. שְׁמֹות כ״א:ט״זבערך תצ״א לפנה״ס

    וגנב איש ומכרו ונמצא בידו מות יומת׃

  22. שְׁמֹות כ״א:י״זבערך תצ״א לפנה״ס

    ומקלל אביו ואמו מות יומת׃

  23. שְׁמֹות כ״א:י״חבערך תצ״א לפנה״ס

    וכי יריבן אנשים והכה איש את רעהו באבן או באגרף ולא ימות ונפל למשכב׃

  24. שְׁמֹות כ״א:י״טבערך תצ״א לפנה״ס

    אם יקום והתהלך בחוץ על משענתו ונקה המכה רק שבתו יתן ורפא ירפא׃

  25. שְׁמֹות כ״א:כ׳בערך תצ״א לפנה״ס

    וכי יכה איש את עבדו או את אמתו בשבט ומת תחת ידו נקם ינקם׃