circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל י״ז:כ׳בערך תס״ג לפנה״ס

    וישכם דוד בבקר ויטש את הצאן על שמר וישא וילך כאשר צוהו ישי ויבא המעגלה והחיל היצא אל המערכה והרעו במלחמה׃

  2. 1 שְׁמוּאֵל י״ז:כ״אבערך תס״ג לפנה״ס

    ותערך ישראל ופלשתים מערכה לקראת מערכה׃

  3. 1 שְׁמוּאֵל י״ז:כ״בבערך תס״ג לפנה״ס

    ויטש דוד את הכלים מעליו על יד שומר הכלים וירץ המערכה ויבא וישאל לאחיו לשלום׃

  4. 1 שְׁמוּאֵל י״ז:כ״גבערך תס״ג לפנה״ס

    והוא מדבר עמם והנה איש הבנים עולה גלית הפלשתי שמו מגת ממערות פלשתים וידבר כדברים האלה וישמע דוד׃

  5. 1 שְׁמוּאֵל י״ז:כ״דבערך תס״ג לפנה״ס

    וכל איש ישראל בראותם את האיש וינסו מפניו וייראו מאד׃

  6. 1 שְׁמוּאֵל י״ז:כ״הבערך תס״ג לפנה״ס

    ויאמר איש ישראל הראיתם האיש העלה הזה כי לחרף את ישראל עלה והיה האיש אשר יכנו יעשרנו המלך עשר גדול ואת בתו יתן לו ואת בית אביו יעשה חפשי בישראל׃

  7. 1 שְׁמוּאֵל י״ז:כ״ובערך תס״ג לפנה״ס

    ויאמר דוד אל האנשים העמדים עמו לאמר מה יעשה לאיש אשר יכה את הפלשתי הלז והסיר חרפה מעל ישראל כי מי הפלשתי הערל הזה כי חרף מערכות אלהים חיים׃

  8. 1 שְׁמוּאֵל י״ז:כ״זבערך תס״ג לפנה״ס

    ויאמר לו העם כדבר הזה לאמר כה יעשה לאיש אשר יכנו׃

  9. 1 שְׁמוּאֵל י״ז:כ״חבערך תס״ג לפנה״ס

    וישמע אליאב אחיו הגדול בדברו אל האנשים ויחר אף אליאב בדוד ויאמר למה זה ירדת ועל מי נטשת מעט הצאן ההנה במדבר אני ידעתי את זדנך ואת רע לבבך כי למען ראות המלחמה ירדת׃

  10. 1 שְׁמוּאֵל י״ז:כ״טבערך תס״ג לפנה״ס

    ויאמר דוד מה עשיתי עתה הלוא דבר הוא׃

  11. 1 שְׁמוּאֵל י״ז:ל׳בערך תס״ג לפנה״ס

    ויסב מאצלו אל מול אחר ויאמר כדבר הזה וישבהו העם דבר כדבר הראשון׃

  12. 1 שְׁמוּאֵל י״ז:ל״אבערך תס״ג לפנה״ס

    וישמעו הדברים אשר דבר דוד ויגדו לפני שאול ויקחהו׃

  13. 1 שְׁמוּאֵל י״ז:ל״בבערך תס״ג לפנה״ס

    ויאמר דוד אל שאול אל יפל לב אדם עליו עבדך ילך ונלחם עם הפלשתי הזה׃

  14. 1 שְׁמוּאֵל י״ז:ל״גבערך תס״ג לפנה״ס

    ויאמר שאול אל דוד לא תוכל ללכת אל הפלשתי הזה להלחם עמו כי נער אתה והוא איש מלחמה מנעריו׃

  15. 1 שְׁמוּאֵל י״ז:ל״דבערך תס״ג לפנה״ס

    ויאמר דוד אל שאול רעה היה עבדך לאביו בצאן ובא הארי ואת הדוב ונשא שה מהעדר׃

  16. 1 שְׁמוּאֵל י״ז:ל״הבערך תס״ג לפנה״ס

    ויצאתי אחריו והכתיו והצלתי מפיו ויקם עלי והחזקתי בזקנו והכתיו והמיתיו׃

  17. 1 שְׁמוּאֵל י״ז:ל״ובערך תס״ג לפנה״ס

    גם את הארי גם הדוב הכה עבדך והיה הפלשתי הערל הזה כאחד מהם כי חרף מערכת אלהים חיים׃

  18. 1 שְׁמוּאֵל י״ז:ל״זבערך תס״ג לפנה״ס

    ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל דוד לך ויהוה יהיה עמך׃

  19. 1 שְׁמוּאֵל י״ז:ל״חבערך תס״ג לפנה״ס

    וילבש שאול את דוד מדיו ונתן קובע נחשת על ראשו וילבש אתו שריון׃

  20. 1 שְׁמוּאֵל י״ז:ל״טבערך תס״ג לפנה״ס

    ויחגר דוד את חרבו מעל למדיו ויאל ללכת כי לא נסה ויאמר דוד אל שאול לא אוכל ללכת באלה כי לא נסיתי ויסרם דוד מעליו׃

  21. 1 שְׁמוּאֵל י״ז:מ׳בערך תס״ג לפנה״ס

    ויקח מקלו בידו ויבחר לו חמשה חלקי אבנים מן הנחל וישם אתם בכלי הרעים אשר לו ובילקוט וקלעו בידו ויגש אל הפלשתי׃

  22. 1 שְׁמוּאֵל י״ז:מ״אבערך תס״ג לפנה״ס

    וילך הפלשתי הלך וקרב אל דוד והאיש נשא הצנה לפניו׃

  23. 1 שְׁמוּאֵל י״ז:מ״בבערך תס״ג לפנה״ס

    ויבט הפלשתי ויראה את דוד ויבזהו כי היה נער ואדמני עם יפה מראה׃

  24. 1 שְׁמוּאֵל י״ז:מ״גבערך תס״ג לפנה״ס

    ויאמר הפלשתי אל דוד הכלב אנכי כי אתה בא אלי במקלות ויקלל הפלשתי את דוד באלהיו׃

  25. 1 שְׁמוּאֵל י״ז:מ״דבערך תס״ג לפנה״ס

    ויאמר הפלשתי אל דוד לכה אלי ואתנה את בשרך לעוף השמים ולבהמת השדה׃