circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל י״ח:י״בבערך תס״ג לפנה״ס

    וירא שאול מלפני דוד כי היה יהוה עמו ומעם שאול סר׃

  2. 1 שְׁמוּאֵל י״ח:י״גבערך תס״ג לפנה״ס

    ויסרהו שאול מעמו וישמהו לו שר אלף ויצא ויבא לפני העם׃

  3. 1 שְׁמוּאֵל י״ח:י״דבערך תס״ג לפנה״ס

    ויהי דוד לכל דרכו משכיל ויהוה עמו׃

  4. 1 שְׁמוּאֵל י״ח:ט״ובערך תס״ג לפנה״ס

    וירא שאול אשר הוא משכיל מאד ויגר מפניו׃

  5. 1 שְׁמוּאֵל י״ח:ט״זבערך תס״ג לפנה״ס

    וכל ישראל ויהודה אהב את דוד כי הוא יוצא ובא לפניהם׃

  6. 1 שְׁמוּאֵל י״ח:י״זבערך תס״ג לפנה״ס

    ויאמר שאול אל דוד הנה בתי הגדולה מרב אתה אתן לך לאשה אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים׃

  7. 1 שְׁמוּאֵל י״ח:י״חבערך תס״ג לפנה״ס

    ויאמר דוד אל שאול מי אנכי ומי חיי משפחת אבי בישראל כי אהיה חתן למלך׃

  8. 1 שְׁמוּאֵל י״ח:י״טבערך תס״ג לפנה״ס

    ויהי בעת תת את מרב בת שאול לדוד והיא נתנה לעדריאל המחלתי לאשה׃

  9. 1 שְׁמוּאֵל י״ח:כ׳בערך תס״ג לפנה״ס

    ותאהב מיכל בת שאול את דוד ויגדו לשאול וישר הדבר בעיניו׃

  10. 1 שְׁמוּאֵל י״ח:כ״אבערך תס״ג לפנה״ס

    ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום׃

  11. 1 שְׁמוּאֵל י״ח:כ״בבערך תס״ג לפנה״ס

    ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך׃

  12. 1 שְׁמוּאֵל י״ח:כ״גבערך תס״ג לפנה״ס

    וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלה׃

  13. 1 שְׁמוּאֵל י״ח:כ״דבערך תס״ג לפנה״ס

    ויגדו עבדי שאול לו לאמר כדברים האלה דבר דוד׃

  14. 1 שְׁמוּאֵל י״ח:כ״הבערך תס״ג לפנה״ס

    ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים׃

  15. 1 שְׁמוּאֵל י״ח:כ״ובערך תס״ג לפנה״ס

    ויגדו עבדיו לדוד את הדברים האלה וישר הדבר בעיני דוד להתחתן במלך ולא מלאו הימים׃

  16. 1 שְׁמוּאֵל י״ח:כ״זבערך תס״ג לפנה״ס

    ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה׃

  17. 1 שְׁמוּאֵל י״ח:כ״חבערך תס״ג לפנה״ס

    וירא שאול וידע כי יהוה עם דוד ומיכל בת שאול אהבתהו׃

  18. 1 שְׁמוּאֵל י״ח:כ״טבערך תס״ג לפנה״ס

    ויאסף שאול לרא מפני דוד עוד ויהי שאול איב את דוד כל הימים׃

  19. 1 שְׁמוּאֵל י״ח:ל׳בערך תס״ג לפנה״ס

    ויצאו שרי פלשתים ויהי מדי צאתם שכל דוד מכל עבדי שאול וייקר שמו מאד׃

  20. 1 שְׁמוּאֵל י״ט:א׳בערך תס״ב לפנה״ס

    ¶ וידבר שאול אל יונתן בנו ואל כל עבדיו להמית את דוד ויהונתן בן שאול חפץ בדוד מאד׃

  21. 1 שְׁמוּאֵל י״ט:ב׳בערך תס״ב לפנה״ס

    ויגד יהונתן לדוד לאמר מבקש שאול אבי להמיתך ועתה השמר נא בבקר וישבת בסתר ונחבאת׃

  22. 1 שְׁמוּאֵל י״ט:ג׳בערך תס״ב לפנה״ס

    ואני אצא ועמדתי ליד אבי בשדה אשר אתה שם ואני אדבר בך אל אבי וראיתי מה והגדתי לך׃

  23. 1 שְׁמוּאֵל י״ט:ד׳בערך תס״ב לפנה״ס

    וידבר יהונתן בדוד טוב אל שאול אביו ויאמר אליו אל יחטא המלך בעבדו בדוד כי לוא חטא לך וכי מעשיו טוב לך מאד׃

  24. 1 שְׁמוּאֵל י״ט:ה׳בערך תס״ב לפנה״ס

    וישם את נפשו בכפו ויך את הפלשתי ויעש יהוה תשועה גדולה לכל ישראל ראית ותשמח ולמה תחטא בדם נקי להמית את דוד חנם׃

  25. 1 שְׁמוּאֵל י״ט:ו׳בערך תס״ב לפנה״ס

    וישמע שאול בקול יהונתן וישבע שאול חי יהוה אם יומת׃