circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל י״ז:מ״הבערך תס״ג לפנה״ס

    ויאמר דוד אל הפלשתי אתה בא אלי בחרב ובחנית ובכידון ואנכי בא אליך בשם יהוה צבאות אלהי מערכות ישראל אשר חרפת׃

  2. 1 שְׁמוּאֵל י״ז:מ״ובערך תס״ג לפנה״ס

    היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראל׃

  3. 1 שְׁמוּאֵל י״ז:מ״זבערך תס״ג לפנה״ס

    וידעו כל הקהל הזה כי לא בחרב ובחנית יהושיע יהוה כי ליהוה המלחמה ונתן אתכם בידנו׃

  4. 1 שְׁמוּאֵל י״ז:מ״חבערך תס״ג לפנה״ס

    והיה כי קם הפלשתי וילך ויקרב לקראת דוד וימהר דוד וירץ המערכה לקראת הפלשתי׃

  5. 1 שְׁמוּאֵל י״ז:מ״טבערך תס״ג לפנה״ס

    וישלח דוד את ידו אל הכלי ויקח משם אבן ויקלע ויך את הפלשתי אל מצחו ותטבע האבן במצחו ויפל על פניו ארצה׃

  6. 1 שְׁמוּאֵל י״ז:נ׳בערך תס״ג לפנה״ס

    ויחזק דוד מן הפלשתי בקלע ובאבן ויך את הפלשתי וימיתהו וחרב אין ביד דוד׃

  7. 1 שְׁמוּאֵל י״ז:נ״אבערך תס״ג לפנה״ס

    וירץ דוד ויעמד אל הפלשתי ויקח את חרבו וישלפה מתערה וימתתהו ויכרת בה את ראשו ויראו הפלשתים כי מת גבורם וינסו׃

  8. 1 שְׁמוּאֵל י״ז:נ״בבערך תס״ג לפנה״ס

    ויקמו אנשי ישראל ויהודה וירעו וירדפו את הפלשתים עד בואך גיא ועד שערי עקרון ויפלו חללי פלשתים בדרך שערים ועד גת ועד עקרון׃

  9. 1 שְׁמוּאֵל י״ז:נ״גבערך תס״ג לפנה״ס

    וישבו בני ישראל מדלק אחרי פלשתים וישסו את מחניהם׃

  10. 1 שְׁמוּאֵל י״ז:נ״דבערך תס״ג לפנה״ס

    ויקח דוד את ראש הפלשתי ויבאהו ירושלם ואת כליו שם באהלו׃

  11. 1 שְׁמוּאֵל י״ז:נ״הבערך תס״ג לפנה״ס

    וכראות שאול את דוד יצא לקראת הפלשתי אמר אל אבנר שר הצבא בן מי זה הנער אבנר ויאמר אבנר חי נפשך המלך אם ידעתי׃

  12. 1 שְׁמוּאֵל י״ז:נ״ובערך תס״ג לפנה״ס

    ויאמר המלך שאל אתה בן מי זה העלם׃

  13. 1 שְׁמוּאֵל י״ז:נ״זבערך תס״ג לפנה״ס

    וכשוב דוד מהכות את הפלשתי ויקח אתו אבנר ויבאהו לפני שאול וראש הפלשתי בידו׃

  14. 1 שְׁמוּאֵל י״ז:נ״חבערך תס״ג לפנה״ס

    ויאמר אליו שאול בן מי אתה הנער ויאמר דוד בן עבדך ישי בית הלחמי׃

  15. 1 שְׁמוּאֵל י״ח:א׳בערך תס״ג לפנה״ס

    ¶ ויהי ככלתו לדבר אל שאול ונפש יהונתן נקשרה בנפש דוד ויאהבו יהונתן כנפשו׃

  16. 1 שְׁמוּאֵל י״ח:ב׳בערך תס״ג לפנה״ס

    ויקחהו שאול ביום ההוא ולא נתנו לשוב בית אביו׃

  17. 1 שְׁמוּאֵל י״ח:ג׳בערך תס״ג לפנה״ס

    ויכרת יהונתן ודוד ברית באהבתו אתו כנפשו׃

  18. 1 שְׁמוּאֵל י״ח:ד׳בערך תס״ג לפנה״ס

    ויתפשט יהונתן את המעיל אשר עליו ויתנהו לדוד ומדיו ועד חרבו ועד קשתו ועד חגרו׃

  19. 1 שְׁמוּאֵל י״ח:ה׳בערך תס״ג לפנה״ס

    ויצא דוד בכל אשר ישלחנו שאול ישכיל וישמהו שאול על אנשי המלחמה וייטב בעיני כל העם וגם בעיני עבדי שאול׃

  20. 1 שְׁמוּאֵל י״ח:ו׳בערך תס״ג לפנה״ס

    ויהי בבואם בשוב דוד מהכות את הפלשתי ותצאנה הנשים מכל ערי ישראל לשור והמחלות לקראת שאול המלך בתפים בשמחה ובשלשים׃

  21. 1 שְׁמוּאֵל י״ח:ז׳בערך תס״ג לפנה״ס

    ותענינה הנשים המשחקות ותאמרן הכה שאול באלפו ודוד ברבבתיו׃

  22. 1 שְׁמוּאֵל י״ח:ח׳בערך תס״ג לפנה״ס

    ויחר לשאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכה׃

  23. 1 שְׁמוּאֵל י״ח:ט׳בערך תס״ג לפנה״ס

    ויהי שאול עון את דוד מהיום ההוא והלאה׃

  24. 1 שְׁמוּאֵל י״ח:י׳בערך תס״ג לפנה״ס

    ויהי ממחרת ותצלח רוח אלהים רעה אל שאול ויתנבא בתוך הבית ודוד מנגן בידו כיום ביום והחנית ביד שאול׃

  25. 1 שְׁמוּאֵל י״ח:י״אבערך תס״ג לפנה״ס

    ויטל שאול את החנית ויאמר אכה בדוד ובקיר ויסב דוד מפניו פעמים׃