circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל ט״ו:כ״חבערך תע״ט לפנה״ס

    ויאמר אליו שמואל קרע יהוה את ממלכות ישראל מעליך היום ונתנה לרעך הטוב ממך׃

  2. 1 שְׁמוּאֵל ט״ו:כ״טבערך תע״ט לפנה״ס

    וגם נצח ישראל לא ישקר ולא ינחם כי לא אדם הוא להנחם׃

  3. 1 שְׁמוּאֵל ט״ו:ל׳בערך תע״ט לפנה״ס

    ויאמר חטאתי עתה כבדני נא נגד זקני עמי ונגד ישראל ושוב עמי והשתחויתי ליהוה אלהיך׃

  4. 1 שְׁמוּאֵל ט״ו:ל״אבערך תע״ט לפנה״ס

    וישב שמואל אחרי שאול וישתחו שאול ליהוה׃

  5. 1 שְׁמוּאֵל ט״ו:ל״בבערך תע״ט לפנה״ס

    ויאמר שמואל הגישו אלי את אגג מלך עמלק וילך אליו אגג מעדנת ויאמר אגג אכן סר מר המות׃

  6. 1 שְׁמוּאֵל ט״ו:ל״גבערך תע״ט לפנה״ס

    ויאמר שמואל כאשר שכלה נשים חרבך כן תשכל מנשים אמך וישסף שמואל את אגג לפני יהוה בגלגל׃

  7. 1 שְׁמוּאֵל ט״ו:ל״דבערך תע״ט לפנה״ס

    וילך שמואל הרמתה ושאול עלה אל ביתו גבעת שאול׃

  8. 1 שְׁמוּאֵל ט״ו:ל״הבערך תע״ט לפנה״ס

    ולא יסף שמואל לראות את שאול עד יום מותו כי התאבל שמואל אל שאול ויהוה נחם כי המליך את שאול על ישראל׃

  9. 1 שְׁמוּאֵל ט״ז:א׳בערך תס״ג לפנה״ס

    ¶ ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי כי ראיתי בבניו לי מלך׃

  10. 1 שְׁמוּאֵל ט״ז:ב׳בערך תס״ג לפנה״ס

    ויאמר שמואל איך אלך ושמע שאול והרגני ויאמר יהוה עגלת בקר תקח בידך ואמרת לזבח ליהוה באתי׃

  11. 1 שְׁמוּאֵל ט״ז:ג׳בערך תס״ג לפנה״ס

    וקראת לישי בזבח ואנכי אודיעך את אשר תעשה ומשחת לי את אשר אמר אליך׃

  12. 1 שְׁמוּאֵל ט״ז:ד׳בערך תס״ג לפנה״ס

    ויעש שמואל את אשר דבר יהוה ויבא בית לחם ויחרדו זקני העיר לקראתו ויאמר שלם בואך׃

  13. 1 שְׁמוּאֵל ט״ז:ה׳בערך תס״ג לפנה״ס

    ויאמר שלום לזבח ליהוה באתי התקדשו ובאתם אתי בזבח ויקדש את ישי ואת בניו ויקרא להם לזבח׃

  14. 1 שְׁמוּאֵל ט״ז:ו׳בערך תס״ג לפנה״ס

    ויהי בבואם וירא את אליאב ויאמר אך נגד יהוה משיחו׃

  15. 1 שְׁמוּאֵל ט״ז:ז׳בערך תס״ג לפנה״ס

    ויאמר יהוה אל שמואל אל תבט אל מראהו ואל גבה קומתו כי מאסתיהו כי לא אשר יראה האדם כי האדם יראה לעינים ויהוה יראה ללבב׃

  16. 1 שְׁמוּאֵל ט״ז:ח׳בערך תס״ג לפנה״ס

    ויקרא ישי אל אבינדב ויעברהו לפני שמואל ויאמר גם בזה לא בחר יהוה׃

  17. 1 שְׁמוּאֵל ט״ז:ט׳בערך תס״ג לפנה״ס

    ויעבר ישי שמה ויאמר גם בזה לא בחר יהוה׃

  18. 1 שְׁמוּאֵל ט״ז:י׳בערך תס״ג לפנה״ס

    ויעבר ישי שבעת בניו לפני שמואל ויאמר שמואל אל ישי לא בחר יהוה באלה׃

  19. 1 שְׁמוּאֵל ט״ז:י״אבערך תס״ג לפנה״ס

    ויאמר שמואל אל ישי התמו הנערים ויאמר עוד שאר הקטן והנה רעה בצאן ויאמר שמואל אל ישי שלחה וקחנו כי לא נסב עד באו פה׃

  20. 1 שְׁמוּאֵל ט״ז:י״בבערך תס״ג לפנה״ס

    וישלח ויביאהו והוא אדמוני עם יפה עינים וטוב ראי ויאמר יהוה קום משחהו כי זה הוא׃

  21. 1 שְׁמוּאֵל ט״ז:י״גבערך תס״ג לפנה״ס

    ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתה׃

  22. 1 שְׁמוּאֵל ט״ז:י״דבערך תס״ג לפנה״ס

    ורוח יהוה סרה מעם שאול ובעתתו רוח רעה מאת יהוה׃

  23. 1 שְׁמוּאֵל ט״ז:ט״ובערך תס״ג לפנה״ס

    ויאמרו עבדי שאול אליו הנה נא רוח אלהים רעה מבעתך׃

  24. 1 שְׁמוּאֵל ט״ז:ט״זבערך תס״ג לפנה״ס

    יאמר נא אדננו עבדיך לפניך יבקשו איש ידע מנגן בכנור והיה בהיות עליך רוח אלהים רעה ונגן בידו וטוב לך׃

  25. 1 שְׁמוּאֵל ט״ז:י״זבערך תס״ג לפנה״ס

    ויאמר שאול אל עבדיו ראו נא לי איש מיטיב לנגן והביאותם אלי׃