circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל י״ד:ל׳בערך תפ״ז לפנה״ס

    אף כי לוא אכל אכל היום העם משלל איביו אשר מצא כי עתה לא רבתה מכה בפלשתים׃

  2. 1 שְׁמוּאֵל י״ד:ל״אבערך תפ״ז לפנה״ס

    ויכו ביום ההוא בפלשתים ממכמש אילנה ויעף העם מאד׃

  3. 1 שְׁמוּאֵל י״ד:ל״בבערך תפ״ז לפנה״ס

    ויעש העם אל שלל ויקחו צאן ובקר ובני בקר וישחטו ארצה ויאכל העם על הדם׃

  4. 1 שְׁמוּאֵל י״ד:ל״גבערך תפ״ז לפנה״ס

    ויגידו לשאול לאמר הנה העם חטאים ליהוה לאכל על הדם ויאמר בגדתם גלו אלי היום אבן גדולה׃

  5. 1 שְׁמוּאֵל י״ד:ל״דבערך תפ״ז לפנה״ס

    ויאמר שאול פצו בעם ואמרתם להם הגישו אלי איש שורו ואיש שיהו ושחטתם בזה ואכלתם ולא תחטאו ליהוה לאכל אל הדם ויגשו כל העם איש שורו בידו הלילה וישחטו שם׃

  6. 1 שְׁמוּאֵל י״ד:ל״הבערך תפ״ז לפנה״ס

    ויבן שאול מזבח ליהוה אתו החל לבנות מזבח ליהוה׃

  7. 1 שְׁמוּאֵל י״ד:ל״ובערך תפ״ז לפנה״ס

    ויאמר שאול נרדה אחרי פלשתים לילה ונבזה בהם עד אור הבקר ולא נשאר בהם איש ויאמרו כל הטוב בעיניך עשה ויאמר הכהן נקרבה הלם אל האלהים׃

  8. 1 שְׁמוּאֵל י״ד:ל״זבערך תפ״ז לפנה״ס

    וישאל שאול באלהים הארד אחרי פלשתים התתנם ביד ישראל ולא ענהו ביום ההוא׃

  9. 1 שְׁמוּאֵל י״ד:ל״חבערך תפ״ז לפנה״ס

    ויאמר שאול גשו הלם כל פנות העם ודעו וראו במה היתה החטאת הזאת היום׃

  10. 1 שְׁמוּאֵל י״ד:ל״טבערך תפ״ז לפנה״ס

    כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם׃

  11. 1 שְׁמוּאֵל י״ד:מ׳בערך תפ״ז לפנה״ס

    ויאמר אל כל ישראל אתם תהיו לעבר אחד ואני ויונתן בני נהיה לעבר אחד ויאמרו העם אל שאול הטוב בעיניך עשה׃

  12. 1 שְׁמוּאֵל י״ד:מ״אבערך תפ״ז לפנה״ס

    ויאמר שאול אל יהוה אלהי ישראל הבה תמים וילכד יונתן ושאול והעם יצאו׃

  13. 1 שְׁמוּאֵל י״ד:מ״בבערך תפ״ז לפנה״ס

    ויאמר שאול הפילו ביני ובין יונתן בני וילכד יונתן׃

  14. 1 שְׁמוּאֵל י״ד:מ״גבערך תפ״ז לפנה״ס

    ויאמר שאול אל יונתן הגידה לי מה עשיתה ויגד לו יונתן ויאמר טעם טעמתי בקצה המטה אשר בידי מעט דבש הנני אמות׃

  15. 1 שְׁמוּאֵל י״ד:מ״דבערך תפ״ז לפנה״ס

    ויאמר שאול כה יעשה אלהים וכה יוסף כי מות תמות יונתן׃

  16. 1 שְׁמוּאֵל י״ד:מ״הבערך תפ״ז לפנה״ס

    ויאמר העם אל שאול היונתן ימות אשר עשה הישועה הגדולה הזאת בישראל חלילה חי יהוה אם יפל משערת ראשו ארצה כי עם אלהים עשה היום הזה ויפדו העם את יונתן ולא מת׃

  17. 1 שְׁמוּאֵל י״ד:מ״ובערך תפ״ז לפנה״ס

    ויעל שאול מאחרי פלשתים ופלשתים הלכו למקומם׃

  18. 1 שְׁמוּאֵל י״ד:מ״זבערך תפ״ז לפנה״ס

    ושאול לכד המלוכה על ישראל וילחם סביב בכל איביו במואב ובבני עמון ובאדום ובמלכי צובה ובפלשתים ובכל אשר יפנה ירשיע׃

  19. 1 שְׁמוּאֵל י״ד:מ״חבערך תפ״ז לפנה״ס

    ויעש חיל ויך את עמלק ויצל את ישראל מיד שסהו׃

  20. 1 שְׁמוּאֵל י״ד:מ״טבערך תפ״ז לפנה״ס

    ויהיו בני שאול יונתן וישוי ומלכי שוע ושם שתי בנתיו שם הבכירה מרב ושם הקטנה מיכל׃

  21. 1 שְׁמוּאֵל י״ד:נ׳בערך תפ״ז לפנה״ס

    ושם אשת שאול אחינעם בת אחימעץ ושם שר צבאו אבינר בן נר דוד שאול׃

  22. 1 שְׁמוּאֵל י״ד:נ״אבערך תפ״ז לפנה״ס

    וקיש אבי שאול ונר אבי אבנר בן אביאל׃

  23. 1 שְׁמוּאֵל י״ד:נ״בבערך תפ״ז לפנה״ס

    ותהי המלחמה חזקה על פלשתים כל ימי שאול וראה שאול כל איש גבור וכל בן חיל ויאספהו אליו׃

  24. 1 שְׁמוּאֵל ט״ו:א׳בערך תע״ט לפנה״ס

    ¶ ויאמר שמואל אל שאול אתי שלח יהוה למשחך למלך על עמו על ישראל ועתה שמע לקול דברי יהוה׃

  25. 1 שְׁמוּאֵל ט״ו:ב׳בערך תע״ט לפנה״ס

    כה אמר יהוה צבאות פקדתי את אשר עשה עמלק לישראל אשר שם לו בדרך בעלתו ממצרים׃