circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל ט״ו:ג׳בערך תע״ט לפנה״ס

    עתה לך והכיתה את עמלק והחרמתם את כל אשר לו ולא תחמל עליו והמתה מאיש עד אשה מעלל ועד יונק משור ועד שה מגמל ועד חמור׃

  2. 1 שְׁמוּאֵל ט״ו:ד׳בערך תע״ט לפנה״ס

    וישמע שאול את העם ויפקדם בטלאים מאתים אלף רגלי ועשרת אלפים את איש יהודה׃

  3. 1 שְׁמוּאֵל ט״ו:ה׳בערך תע״ט לפנה״ס

    ויבא שאול עד עיר עמלק וירב בנחל׃

  4. 1 שְׁמוּאֵל ט״ו:ו׳בערך תע״ט לפנה״ס

    ויאמר שאול אל הקיני לכו סרו רדו מתוך עמלקי פן אספך עמו ואתה עשיתה חסד עם כל בני ישראל בעלותם ממצרים ויסר קיני מתוך עמלק׃

  5. 1 שְׁמוּאֵל ט״ו:ז׳בערך תע״ט לפנה״ס

    ויך שאול את עמלק מחוילה בואך שור אשר על פני מצרים׃

  6. 1 שְׁמוּאֵל ט״ו:ח׳בערך תע״ט לפנה״ס

    ויתפש את אגג מלך עמלק חי ואת כל העם החרים לפי חרב׃

  7. 1 שְׁמוּאֵל ט״ו:ט׳בערך תע״ט לפנה״ס

    ויחמל שאול והעם על אגג ועל מיטב הצאן והבקר והמשנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימו׃

  8. 1 שְׁמוּאֵל ט״ו:י׳בערך תע״ט לפנה״ס

    ויהי דבר יהוה אל שמואל לאמר׃

  9. 1 שְׁמוּאֵל ט״ו:י״אבערך תע״ט לפנה״ס

    נחמתי כי המלכתי את שאול למלך כי שב מאחרי ואת דברי לא הקים ויחר לשמואל ויזעק אל יהוה כל הלילה׃

  10. 1 שְׁמוּאֵל ט״ו:י״בבערך תע״ט לפנה״ס

    וישכם שמואל לקראת שאול בבקר ויגד לשמואל לאמר בא שאול הכרמלה והנה מציב לו יד ויסב ויעבר וירד הגלגל׃

  11. 1 שְׁמוּאֵל ט״ו:י״גבערך תע״ט לפנה״ס

    ויבא שמואל אל שאול ויאמר לו שאול ברוך אתה ליהוה הקימתי את דבר יהוה׃

  12. 1 שְׁמוּאֵל ט״ו:י״דבערך תע״ט לפנה״ס

    ויאמר שמואל ומה קול הצאן הזה באזני וקול הבקר אשר אנכי שמע׃

  13. 1 שְׁמוּאֵל ט״ו:ט״ובערך תע״ט לפנה״ס

    ויאמר שאול מעמלקי הביאום אשר חמל העם על מיטב הצאן והבקר למען זבח ליהוה אלהיך ואת היותר החרמנו׃

  14. 1 שְׁמוּאֵל ט״ו:ט״זבערך תע״ט לפנה״ס

    ויאמר שמואל אל שאול הרף ואגידה לך את אשר דבר יהוה אלי הלילה ויאמרו לו דבר׃

  15. 1 שְׁמוּאֵל ט״ו:י״זבערך תע״ט לפנה״ס

    ויאמר שמואל הלוא אם קטן אתה בעיניך ראש שבטי ישראל אתה וימשחך יהוה למלך על ישראל׃

  16. 1 שְׁמוּאֵל ט״ו:י״חבערך תע״ט לפנה״ס

    וישלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתם׃

  17. 1 שְׁמוּאֵל ט״ו:י״טבערך תע״ט לפנה״ס

    ולמה לא שמעת בקול יהוה ותעט אל השלל ותעש הרע בעיני יהוה׃

  18. 1 שְׁמוּאֵל ט״ו:כ׳בערך תע״ט לפנה״ס

    ויאמר שאול אל שמואל אשר שמעתי בקול יהוה ואלך בדרך אשר שלחני יהוה ואביא את אגג מלך עמלק ואת עמלק החרמתי׃

  19. 1 שְׁמוּאֵל ט״ו:כ״אבערך תע״ט לפנה״ס

    ויקח העם מהשלל צאן ובקר ראשית החרם לזבח ליהוה אלהיך בגלגל׃

  20. 1 שְׁמוּאֵל ט״ו:כ״בבערך תע״ט לפנה״ס

    ויאמר שמואל החפץ ליהוה בעלות וזבחים כשמע בקול יהוה הנה שמע מזבח טוב להקשיב מחלב אילים׃

  21. 1 שְׁמוּאֵל ט״ו:כ״גבערך תע״ט לפנה״ס

    כי חטאת קסם מרי ואון ותרפים הפצר יען מאסת את דבר יהוה וימאסך ממלך׃

  22. 1 שְׁמוּאֵל ט״ו:כ״דבערך תע״ט לפנה״ס

    ויאמר שאול אל שמואל חטאתי כי עברתי את פי יהוה ואת דבריך כי יראתי את העם ואשמע בקולם׃

  23. 1 שְׁמוּאֵל ט״ו:כ״הבערך תע״ט לפנה״ס

    ועתה שא נא את חטאתי ושוב עמי ואשתחוה ליהוה׃

  24. 1 שְׁמוּאֵל ט״ו:כ״ובערך תע״ט לפנה״ס

    ויאמר שמואל אל שאול לא אשוב עמך כי מאסתה את דבר יהוה וימאסך יהוה מהיות מלך על ישראל׃

  25. 1 שְׁמוּאֵל ט״ו:כ״זבערך תע״ט לפנה״ס

    ויסב שמואל ללכת ויחזק בכנף מעילו ויקרע׃