David

968 פסוקים · 40 בני משפחה

פסוקים המזכירים את David

סינון לפי ספר
  1. 1 שְׁמוּאֵל כ״ו:א׳

    ¶ ויבאו הזפים אל שאול הגבעתה לאמר הלוא דוד מסתתר בגבעת החכילה על פני הישימן׃

  2. 1 שְׁמוּאֵל כ״ו:ב׳

    ויקם שאול וירד אל מדבר זיף ואתו שלשת אלפים איש בחורי ישראל לבקש את דוד במדבר זיף׃

  3. 1 שְׁמוּאֵל כ״ו:ג׳

    ויחן שאול בגבעת החכילה אשר על פני הישימן על הדרך ודוד ישב במדבר וירא כי בא שאול אחריו המדברה׃

  4. 1 שְׁמוּאֵל כ״ו:ד׳

    וישלח דוד מרגלים וידע כי בא שאול אל נכון׃

  5. 1 שְׁמוּאֵל כ״ו:ה׳

    ויקם דוד ויבא אל המקום אשר חנה שם שאול וירא דוד את המקום אשר שכב שם שאול ואבנר בן נר שר צבאו ושאול שכב במעגל והעם חנים סביבתו׃

  6. 1 שְׁמוּאֵל כ״ו:ו׳

    ויען דוד ויאמר אל אחימלך החתי ואל אבישי בן צרויה אחי יואב לאמר מי ירד אתי אל שאול אל המחנה ויאמר אבישי אני ארד עמך׃

  7. 1 שְׁמוּאֵל כ״ו:ז׳

    ויבא דוד ואבישי אל העם לילה והנה שאול שכב ישן במעגל וחניתו מעוכה בארץ מראשתו ואבנר והעם שכבים סביבתו׃

  8. 1 שְׁמוּאֵל כ״ו:ח׳

    ויאמר אבישי אל דוד סגר אלהים היום את אויבך בידך ועתה אכנו נא בחנית ובארץ פעם אחת ולא אשנה לו׃

  9. 1 שְׁמוּאֵל כ״ו:ט׳

    ויאמר דוד אל אבישי אל תשחיתהו כי מי שלח ידו במשיח יהוה ונקה׃

  10. 1 שְׁמוּאֵל כ״ו:י׳

    ויאמר דוד חי יהוה כי אם יהוה יגפנו או יומו יבוא ומת או במלחמה ירד ונספה׃

  11. 1 שְׁמוּאֵל כ״ו:י״ב

    ויקח דוד את החנית ואת צפחת המים מראשתי שאול וילכו להם ואין ראה ואין יודע ואין מקיץ כי כלם ישנים כי תרדמת יהוה נפלה עליהם׃

  12. 1 שְׁמוּאֵל כ״ו:י״ג

    ויעבר דוד העבר ויעמד על ראש ההר מרחק רב המקום ביניהם׃

  13. 1 שְׁמוּאֵל כ״ו:י״ד

    ויקרא דוד אל העם ואל אבנר בן נר לאמר הלוא תענה אבנר ויען אבנר ויאמר מי אתה קראת אל המלך׃

  14. 1 שְׁמוּאֵל כ״ו:ט״ו

    ויאמר דוד אל אבנר הלוא איש אתה ומי כמוך בישראל ולמה לא שמרת אל אדניך המלך כי בא אחד העם להשחית את המלך אדניך׃

  15. 1 שְׁמוּאֵל כ״ו:י״ז

    ויכר שאול את קול דוד ויאמר הקולך זה בני דוד ויאמר דוד קולי אדני המלך׃

  16. 1 שְׁמוּאֵל כ״ו:כ״א

    ויאמר שאול חטאתי שוב בני דוד כי לא ארע לך עוד תחת אשר יקרה נפשי בעיניך היום הזה הנה הסכלתי ואשגה הרבה מאד׃

  17. 1 שְׁמוּאֵל כ״ו:כ״ב

    ויען דוד ויאמר הנה החנית המלך ויעבר אחד מהנערים ויקחה׃

  18. 1 שְׁמוּאֵל כ״ו:כ״ה

    ויאמר שאול אל דוד ברוך אתה בני דוד גם עשה תעשה וגם יכל תוכל וילך דוד לדרכו ושאול שב למקומו׃

  19. 1 שְׁמוּאֵל כ״ז:א׳

    ¶ ויאמר דוד אל לבו עתה אספה יום אחד ביד שאול אין לי טוב כי המלט אמלט אל ארץ פלשתים ונואש ממני שאול לבקשני עוד בכל גבול ישראל ונמלטתי מידו׃

  20. 1 שְׁמוּאֵל כ״ז:ב׳

    ויקם דוד ויעבר הוא ושש מאות איש אשר עמו אל אכיש בן מעוך מלך גת׃

  21. 1 שְׁמוּאֵל כ״ז:ג׳

    וישב דוד עם אכיש בגת הוא ואנשיו איש וביתו דוד ושתי נשיו אחינעם היזרעאלית ואביגיל אשת נבל הכרמלית׃

  22. 1 שְׁמוּאֵל כ״ז:ד׳

    ויגד לשאול כי ברח דוד גת ולא יוסף עוד לבקשו׃

  23. 1 שְׁמוּאֵל כ״ז:ה׳

    ויאמר דוד אל אכיש אם נא מצאתי חן בעיניך יתנו לי מקום באחת ערי השדה ואשבה שם ולמה ישב עבדך בעיר הממלכה עמך׃

  24. 1 שְׁמוּאֵל כ״ז:ז׳

    ויהי מספר הימים אשר ישב דוד בשדה פלשתים ימים וארבעה חדשים׃

  25. 1 שְׁמוּאֵל כ״ז:ח׳

    ויעל דוד ואנשיו ויפשטו אל הגשורי והגרזי והעמלקי כי הנה ישבות הארץ אשר מעולם בואך שורה ועד ארץ מצרים׃