God

Sa’ad da aka ƙasƙantar da mutane ka kuma ce, ‘A ɗaga su!’ Sa’an nan zai ceci masu tawali’u.

Da a ce na san inda zan same shi; da a ce zan iya zuwa wurin da yake zama!

Zan kai damuwata wurinsa in yi gardama da shi.

Zan nemi in san abin da zai ce mini, in kuma auna abin da zai ce mini.

Zai yi gardama da ni da ikonsa mai girma? Babu, ba zai zarge ni da laifi ba.

Mai adalci ne zai kawo ƙara a wurinsa, kuma zan samu kuɓuta daga wurin mai shari’an nan har abada.

“Amma in na je gabas, ba ya wurin; in na je yamma, ba zan same shi ba.

Sa’ad da yake aiki a arewa, ba ni ganinsa; sa’ad da ya juya zuwa kudu, ba na ganinsa.

Amma ya san hanyar da nake bi; sa’ad da ya gwada ni zan fito kamar zinariya.

Ƙafafuna suna bin ƙafafunsa kurkusa; na bi hanyarsa ba tare da na juya ba.

Ban fasa bin dokokin da ya bayar ba; na riƙe maganarsa da muhimmanci fiye da abincin yau da gobe.

“Amma ya tsaya shi kaɗai, kuma wa ya isa yă ja da shi? Yana yin abin da yake so.

Yana yi mini abin da ya shirya yă yi mini, kuma yana da sauran irinsu a ajiye.

Shi ya sa na tsorata a gabansa; sa’ad da na yi tunanin wannan duka, nakan ji tsoronsa.

Allah ya sa zuciyata ta yi sanyi; Maɗaukaki ya tsorata ni.

Duk da haka duhun bai sa in yi shiru ba, duhun da ya rufe mini fuska.

“Domin me Maɗaukaki ba zai sa ranar shari’a ba? Don me waɗanda suka san shi suke faman samun irin ranakun nan?

Ana jin nishin masu mutuwa daga birni, kuma rayukan waɗanda aka ji musu rauni suna kuka suna kira don taimako. Amma bai ba wani laifi ba.

Mai yiwuwa zai bar su su zauna cikin kwanciyar hankali, amma idanunsa suna kansu.

“Mulki na Allah ne, dole a ji tsoronsa; yana tafiyar da kome yadda ya kamata a cikin sama.

Za a iya ƙirga rundunarsa? A kan wane ne ba ya haska haskensa?

Ta yaya mutum zai iya zama mai adalci a gaban Allah? Ta yaya mutumin da mace ta haifa zai zama mai tsarki?

In har wata da taurari ba su da tsarki a idanunsa,

Mutuwa tsirara take a gaban Allah; haka kuma hallaka take a buɗe.

Ya naɗe ruwaye a cikin gizagizansa, duk da haka girgijen bai yage saboda nauyi ba.