פסוקים על Wicked

כי יתחמץ לבבי וכליותי אשתונן׃

ואני בער ולא אדע בהמות הייתי עמך׃

ואני תמיד עמך אחזת ביד ימיני׃

בעצתך תנחני ואחר כבוד תקחני׃

מי לי בשמים ועמך לא חפצתי בארץ׃

כלה שארי ולבבי צור לבבי וחלקי אלהים לעולם׃

כי הנה רחקיך יאבדו הצמתה כל זונה ממך׃

ואני קרבת אלהים לי טוב שתי באדני יהוה מחסי לספר כל מלאכותיך׃

וכל קרני רשעים אגדע תרוממנה קרנות צדיק׃

יפל מצדך אלף ורבבה מימינך אליך לא יגש׃

רק בעיניך תביט ושלמת רשעים תראה׃

איש בער לא ידע וכסיל לא יבין את זאת׃

בפרח רשעים כמו עשב ויציצו כל פעלי און להשמדם עדי עד׃

עד מתי רשעים יהוה עד מתי רשעים יעלזו׃

יביעו ידברו עתק יתאמרו כל פעלי און׃

עמך יהוה ידכאו ונחלתך יענו׃

אלמנה וגר יהרגו ויתומים ירצחו׃

ויאמרו לא יראה יה ולא יבין אלהי יעקב׃

בינו בערים בעם וכסילים מתי תשכילו׃

ישם נהרות למדבר ומצאי מים לצמאון׃

ארץ פרי למלחה מרעת ישבי בה׃

ישם מדבר לאגם מים וארץ ציה למצאי מים׃

ויושב שם רעבים ויכוננו עיר מושב׃

ויזרעו שדות ויטעו כרמים ויעשו פרי תבואה׃

ויברכם וירבו מאד ובהמתם לא ימעיט׃