פסוקים על Wicked

724 פסוקים · 18 היבטים

פסוקי מפתח

סינון לפי ספר
  1. תְהִלִּים קי״ט:קנ״ה

    רחוק מרשעים ישועה כי חקיך לא דרשו׃

  2. תְהִלִּים קכ״ה:ה׳

    והמטים עקלקלותם יוליכם יהוה את פעלי האון שלום על ישראל׃

  3. מִשְׁלֵי א׳:כ״ד

    יען קראתי ותמאנו נטיתי ידי ואין מקשיב׃

  4. מִשְׁלֵי א׳:כ״ה

    ותפרעו כל עצתי ותוכחתי לא אביתם׃

  5. מִשְׁלֵי א׳:כ״ו

    גם אני באידכם אשחק אלעג בבא פחדכם׃

  6. מִשְׁלֵי א׳:כ״ז

    בבא כשאוה פחדכם ואידכם כסופה יאתה בבא עליכם צרה וצוקה׃

  7. מִשְׁלֵי א׳:כ״ח

    אז יקראנני ולא אענה ישחרנני ולא ימצאנני׃

  8. מִשְׁלֵי א׳:כ״ט

    תחת כי שנאו דעת ויראת יהוה לא בחרו׃

  9. מִשְׁלֵי א׳:ל׳

    לא אבו לעצתי נאצו כל תוכחתי׃

  10. מִשְׁלֵי ב׳:י״ב

    להצילך מדרך רע מאיש מדבר תהפכות׃

  11. מִשְׁלֵי ב׳:י״ג

    העזבים ארחות ישר ללכת בדרכי חשך׃

  12. מִשְׁלֵי ב׳:י״ד

    השמחים לעשות רע יגילו בתהפכות רע׃

  13. מִשְׁלֵי ב׳:ט״ו

    אשר ארחתיהם עקשים ונלוזים במעגלותם׃

  14. מִשְׁלֵי ב׳:ט״ז

    להצילך מאשה זרה מנכריה אמריה החליקה׃

  15. מִשְׁלֵי ב׳:י״ז

    העזבת אלוף נעוריה ואת ברית אלהיה שכחה׃

  16. מִשְׁלֵי ב׳:י״ח

    כי שחה אל מות ביתה ואל רפאים מעגלתיה׃

  17. מִשְׁלֵי ב׳:י״ט

    כל באיה לא ישובון ולא ישיגו ארחות חיים׃

  18. מִשְׁלֵי ד׳:ט״ז

    כי לא ישנו אם לא ירעו ונגזלה שנתם אם לא יכשולו׃

  19. מִשְׁלֵי ו׳:י״ב

    אדם בליעל איש און הולך עקשות פה׃

  20. מִשְׁלֵי ו׳:י״ג

    קרץ בעינו מלל ברגלו מרה באצבעתיו׃

  21. מִשְׁלֵי ו׳:י״ד

    תהפכות בלבו חרש רע בכל עת מדנים ישלח׃

  22. מִשְׁלֵי ו׳:ט״ו

    על כן פתאם יבוא אידו פתע ישבר ואין מרפא׃

  23. מִשְׁלֵי י׳:ו׳

    ברכות לראש צדיק ופי רשעים יכסה חמס׃

  24. מִשְׁלֵי י׳:ט׳

    הולך בתם ילך בטח ומעקש דרכיו יודע׃

  25. מִשְׁלֵי י׳:כ״א

    שפתי צדיק ירעו רבים ואוילים בחסר לב ימותו׃