פסוקים על Wicked

ואדם ביקר בל ילין נמשל כבהמות נדמו׃

זה דרכם כסל למו ואחריהם בפיהם ירצו סלה׃

כצאן לשאול שתו מות ירעם וירדו בם ישרים לבקר וצירם לבלות שאול מזבל לו׃

אך אלהים יפדה נפשי מיד שאול כי יקחני סלה׃

אדם ביקר ולא יבין נמשל כבהמות נדמו׃

ולרשע אמר אלהים מה לך לספר חקי ותשא בריתי עלי פיך׃

ואתה שנאת מוסר ותשלך דברי אחריך׃

אם ראית גנב ותרץ עמו ועם מנאפים חלקך׃

פיך שלחת ברעה ולשונך תצמיד מרמה׃

תשב באחיך תדבר בבן אמך תתן דפי׃

¶ למנצח משכיל לדוד בבוא דואג האדמי ויגד לשאול ויאמר לו בא דוד אל בית אחימלך מה תתהלל ברעה הגבור חסד אל כל היום׃

הוות תחשב לשונך כתער מלטש עשה רמיה׃

אהבת רע מטוב שקר מדבר צדק סלה׃

אהבת כל דברי בלע לשון מרמה׃

¶ למנצח על מחלת משכיל לדוד אמר נבל בלבו אין אלהים השחיתו והתעיבו עול אין עשה טוב׃

אלהים משמים השקיף על בני אדם לראות היש משכיל דרש את אלהים׃

כלו סג יחדו נאלחו אין עשה טוב אין גם אחד׃

הלא ידעו פעלי און אכלי עמי אכלו לחם אלהים לא קראו׃

שם פחדו פחד לא היה פחד כי אלהים פזר עצמות חנך הבשתה כי אלהים מאסם׃

זרו רשעים מרחם תעו מבטן דברי כזב׃

חמת למו כדמות חמת נחש כמו פתן חרש יאטם אזנו׃

אשר לא ישמע לקול מלחשים חובר חברים מחכם׃

ישובו לערב יהמו ככלב ויסובבו עיר׃

הנה יביעון בפיהם חרבות בשפתותיהם כי מי שמע׃

אשר שננו כחרב לשונם דרכו חצם דבר מר׃