פסוקים על Wicked

ישר על אנשים ויאמר חטאתי וישר העויתי ולא שוה לי׃

פדה נפשי מעבר בשחת וחיתי באור תראה׃

הן כל אלה יפעל אל פעמים שלוש עם גבר׃

להשיב נפשו מני שחת לאור באור החיים׃

שם יצעקו ולא יענה מפני גאון רעים׃

אך שוא לא ישמע אל ושדי לא ישורנה׃

¶ אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

כי אם בתורת יהוה חפצו ובתורתו יהגה יומם ולילה׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

לא כן הרשעים כי אם כמץ אשר תדפנו רוח׃

על כן לא יקמו רשעים במשפט וחטאים בעדת צדיקים׃

כי יודע יהוה דרך צדיקים ודרך רשעים תאבד׃

לא יתיצבו הוללים לנגד עיניך שנאת כל פעלי און׃

תאבד דברי כזב איש דמים ומרמה יתעב יהוה׃

כי אין בפיהו נכונה קרבם הוות קבר פתוח גרונם לשונם יחליקון׃

אלהים שופט צדיק ואל זעם בכל יום׃

הנה יחבל און והרה עמל וילד שקר׃

בור כרה ויחפרהו ויפל בשחת יפעל׃

ישוב עמלו בראשו ועל קדקדו חמסו ירד׃

רשע כגבה אפו בל ידרש אין אלהים כל מזמותיו׃

יחילו דרכו בכל עת מרום משפטיך מנגדו כל צורריו יפיח בהם׃

אמר בלבו בל אמוט לדר ודר אשר לא ברע׃

אלה פיהו מלא ומרמות ותך תחת לשונו עמל ואון׃

ישב במארב חצרים במסתרים יהרג נקי עיניו לחלכה יצפנו׃

יארב במסתר כאריה בסכה יארב לחטוף עני יחטף עני במשכו ברשתו׃