פסוקים על Temptation

346 פסוקים · 52 היבטים

פסוקי מפתח

סינון לפי ספר
  1. מִשְׁלֵי ה׳:ט׳

    פן תתן לאחרים הודך ושנתיך לאכזרי׃

  2. מִשְׁלֵי ה׳:י׳

    פן ישבעו זרים כחך ועצביך בבית נכרי׃

  3. מִשְׁלֵי ה׳:י״א

    ונהמת באחריתך בכלות בשרך ושארך׃

  4. מִשְׁלֵי ה׳:י״ב

    ואמרת איך שנאתי מוסר ותוכחת נאץ לבי׃

  5. מִשְׁלֵי ה׳:י״ג

    ולא שמעתי בקול מורי ולמלמדי לא הטיתי אזני׃

  6. מִשְׁלֵי ה׳:י״ד

    כמעט הייתי בכל רע בתוך קהל ועדה׃

  7. מִשְׁלֵי ה׳:ט״ו

    שתה מים מבורך ונזלים מתוך בארך׃

  8. מִשְׁלֵי ה׳:ט״ז

    יפוצו מעינתיך חוצה ברחבות פלגי מים׃

  9. מִשְׁלֵי ה׳:י״ז

    יהיו לך לבדך ואין לזרים אתך׃

  10. מִשְׁלֵי ה׳:י״ח

    יהי מקורך ברוך ושמח מאשת נעורך׃

  11. מִשְׁלֵי ה׳:י״ט

    אילת אהבים ויעלת חן דדיה ירוך בכל עת באהבתה תשגה תמיד׃

  12. מִשְׁלֵי ה׳:כ׳

    ולמה תשגה בני בזרה ותחבק חק נכריה׃

  13. מִשְׁלֵי ה׳:כ״א

    כי נכח עיני יהוה דרכי איש וכל מעגלתיו מפלס׃

  14. מִשְׁלֵי ו׳:כ״ז

    היחתה איש אש בחיקו ובגדיו לא תשרפנה׃

  15. מִשְׁלֵי ו׳:כ״ח

    אם יהלך איש על הגחלים ורגליו לא תכוינה׃

  16. מִשְׁלֵי ז׳:ו׳

    כי בחלון ביתי בעד אשנבי נשקפתי׃

  17. מִשְׁלֵי ז׳:ז׳

    וארא בפתאים אבינה בבנים נער חסר לב׃

  18. מִשְׁלֵי ז׳:ח׳

    עבר בשוק אצל פנה ודרך ביתה יצעד׃

  19. מִשְׁלֵי ז׳:ט׳

    בנשף בערב יום באישון לילה ואפלה׃

  20. מִשְׁלֵי ז׳:י׳

    והנה אשה לקראתו שית זונה ונצרת לב׃

  21. מִשְׁלֵי ז׳:י״א

    המיה היא וסררת בביתה לא ישכנו רגליה׃

  22. מִשְׁלֵי ז׳:י״ב

    פעם בחוץ פעם ברחבות ואצל כל פנה תארב׃

  23. מִשְׁלֵי ז׳:י״ג

    והחזיקה בו ונשקה לו העזה פניה ותאמר לו׃

  24. מִשְׁלֵי ז׳:י״ד

    זבחי שלמים עלי היום שלמתי נדרי׃

  25. מִשְׁלֵי ז׳:ט״ו

    על כן יצאתי לקראתך לשחר פניך ואמצאך׃