פסוקים על Temptation

בעצתך תנחני ואחר כבוד תקחני׃

מי לי בשמים ועמך לא חפצתי בארץ׃

כלה שארי ולבבי צור לבבי וחלקי אלהים לעולם׃

לולי יהוה עזרתה לי כמעט שכנה דומה נפשי׃

אם אמרתי מטה רגלי חסדך יהוה יסעדני׃

מכל ארח רע כלאתי רגלי למען אשמר דברך׃

נתנו רשעים פח לי ומפקודיך לא תעיתי׃

שלום רב לאהבי תורתך ואין למו מכשול׃

בני אם יפתוך חטאים אל תבא׃

אם יאמרו לכה אתנו נארבה לדם נצפנה לנקי חנם׃

נבלעם כשאול חיים ותמימים כיורדי בור׃

כל הון יקר נמצא נמלא בתינו שלל׃

גורלך תפיל בתוכנו כיס אחד יהיה לכלנו׃

בני אל תלך בדרך אתם מנע רגלך מנתיבתם׃

כי רגליהם לרע ירוצו וימהרו לשפך דם׃

כי חנם מזרה הרשת בעיני כל בעל כנף׃

כי תבוא חכמה בלבך ודעת לנפשך ינעם׃

מזמה תשמר עליך תבונה תנצרכה׃

להצילך מדרך רע מאיש מדבר תהפכות׃

להצילך מאשה זרה מנכריה אמריה החליקה׃

בארח רשעים אל תבא ואל תאשר בדרך רעים׃

פרעהו אל תעבר בו שטה מעליו ועבור׃

ארח חיים פן תפלס נעו מעגלתיה לא תדע׃

ועתה בנים שמעו לי ואל תסורו מאמרי פי׃

הרחק מעליה דרכך ואל תקרב אל פתח ביתה׃