פסוקים על Temptation: Resistance to temptation

ויהי אחר הדברים האלה ותשא אשת אדניו את עיניה אל יוסף ותאמר שכבה עמי׃

וימאן ויאמר אל אשת אדניו הן אדני לא ידע אתי מה בבית וכל אשר יש לו נתן בידי׃

איננו גדול בבית הזה ממני ולא חשך ממני מאומה כי אם אותך באשר את אשתו ואיך אעשה הרעה הגדלה הזאת וחטאתי לאלהים׃

ויהי כדברה אל יוסף יום יום ולא שמע אליה לשכב אצלה להיות עמה׃

ונתפלל אל אלהינו ונעמיד משמר עליהם יומם ולילה מפניהם׃

¶ ברית כרתי לעיני ומה אתבונן על בתולה׃

אם הלכתי עם שוא ותחש על מרמה רגלי׃

ישקלני במאזני צדק וידע אלוה תמתי׃

אם תטה אשרי מני הדרך ואחר עיני הלך לבי ובכפי דבק מאום׃

אזרעה ואחר יאכל וצאצאי ישרשו׃

אם נפתה לבי על אשה ועל פתח רעי ארבתי׃

תטחן לאחר אשתי ועליה יכרעון אחרין׃

כי הוא זמה והיא עון פלילים׃

כי אש היא עד אבדון תאכל ובכל תבואתי תשרש׃

אם אמאס משפט עבדי ואמתי ברבם עמדי׃

ומה אעשה כי יקום אל וכי יפקד מה אשיבנו׃

הלא בבטן עשני עשהו ויכננו ברחם אחד׃

אם אמנע מחפץ דלים ועיני אלמנה אכלה׃

ואכל פתי לבדי ולא אכל יתום ממנה׃

אם אראה אובד מבלי לבוש ואין כסות לאביון׃

אם לא ברכוני חלצו ומגז כבשי יתחמם׃

אם הניפותי על יתום ידי כי אראה בשער עזרתי׃

כתפי משכמה תפול ואזרעי מקנה תשבר׃

כי פחד אלי איד אל ומשאתו לא אוכל׃

אם שמתי זהב כסלי ולכתם אמרתי מבטחי׃