פסוקים על Rulers

מלך שופט באמת דלים כסאו לעד יכון׃

תחת שלוש רגזה ארץ ותחת ארבע לא תוכל שאת׃

תחת עבד כי ימלוך ונבל כי ישבע לחם׃

אל למלכים למואל אל למלכים שתו יין ולרוזנים או שכר׃

פן ישתה וישכח מחקק וישנה דין כל בני עני׃

פתח פיך לאלם אל דין כל בני חלוף׃

פתח פיך שפט צדק ודין עני ואביון׃

ועוד ראיתי תחת השמש מקום המשפט שמה הרשע ומקום הצדק שמה הרשע׃

אמרתי אני בלבי את הצדיק ואת הרשע ישפט האלהים כי עת לכל חפץ ועל כל המעשה שם׃

¶ ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃

טוב ילד מסכן וחכם ממלך זקן וכסיל אשר לא ידע להזהר עוד׃

כי מבית הסורים יצא למלך כי גם במלכותו נולד רש׃

אם עשק רש וגזל משפט וצדק תראה במדינה אל תתמה על החפץ כי גבה מעל גבה שמר וגבהים עליהם׃

באשר דבר מלך שלטון ומי יאמר לו מה תעשה׃

את כל זה ראיתי ונתון את לבי לכל מעשה אשר נעשה תחת השמש עת אשר שלט האדם באדם לרע לו׃

יש רעה ראיתי תחת השמש כשגגה שיצא מלפני השליט׃

נתן הסכל במרומים רבים ועשירים בשפל ישבו׃

ראיתי עבדים על סוסים ושרים הלכים כעבדים על הארץ׃

אי לך ארץ שמלכך נער ושריך בבקר יאכלו׃

אשריך ארץ שמלכך בן חורים ושריך בעת יאכלו בגבורה ולא בשתי׃

שריך סוררים וחברי גנבים כלו אהב שחד ורדף שלמנים יתום לא ישפטו וריב אלמנה לא יבוא אליהם׃

עמי נגשיו מעולל ונשים משלו בו עמי מאשריך מתעים ודרך ארחתיך בלעו׃

יהוה במשפט יבוא עם זקני עמו ושריו ואתם בערתם הכרם גזלת העני בבתיכם׃

מלכם תדכאו עמי ופני עניים תטחנו נאם אדני יהוה צבאות׃

כי כרם יהוה צבאות בית ישראל ואיש יהודה נטע שעשועיו ויקו למשפט והנה משפח לצדקה והנה צעקה׃