פסוקים על Rulers

255 פסוקים · 5 היבטים

פסוקי מפתח

סינון לפי ספר
  1. יְשַׁעְיָהוּ ה׳:כ״ב

    הוי גבורים לשתות יין ואנשי חיל למסך שכר׃

  2. יְשַׁעְיָהוּ ה׳:כ״ג

    מצדיקי רשע עקב שחד וצדקת צדיקים יסירו ממנו׃

  3. יְשַׁעְיָהוּ י׳:א׳

    ¶ הוי החקקים חקקי און ומכתבים עמל כתבו׃

  4. יְשַׁעְיָהוּ י׳:ב׳

    להטות מדין דלים ולגזל משפט עניי עמי להיות אלמנות שללם ואת יתומים יבזו׃

  5. יְשַׁעְיָהוּ י׳:ג׳

    ומה תעשו ליום פקדה ולשואה ממרחק תבוא על מי תנוסו לעזרה ואנה תעזבו כבודכם׃

  6. יְשַׁעְיָהוּ י״ד:ד׳

    ונשאת המשל הזה על מלך בבל ואמרת איך שבת נגש שבתה מדהבה׃

  7. יְשַׁעְיָהוּ י״ד:ה׳

    שבר יהוה מטה רשעים שבט משלים׃

  8. יְשַׁעְיָהוּ י״ד:ו׳

    מכה עמים בעברה מכת בלתי סרה רדה באף גוים מרדף בלי חשך׃

  9. יְשַׁעְיָהוּ י״ד:ז׳

    נחה שקטה כל הארץ פצחו רנה׃

  10. יְשַׁעְיָהוּ י״ד:ח׳

    גם ברושים שמחו לך ארזי לבנון מאז שכבת לא יעלה הכרת עלינו׃

  11. יְשַׁעְיָהוּ י״ד:ט׳

    שאול מתחת רגזה לך לקראת בואך עורר לך רפאים כל עתודי ארץ הקים מכסאותם כל מלכי גוים׃

  12. יְשַׁעְיָהוּ י״ד:י׳

    כלם יענו ויאמרו אליך גם אתה חלית כמונו אלינו נמשלת׃

  13. יְשַׁעְיָהוּ י״ד:י״א

    הורד שאול גאונך המית נבליך תחתיך יצע רמה ומכסיך תולעה׃

  14. יְשַׁעְיָהוּ י״ד:י״ב

    איך נפלת משמים הילל בן שחר נגדעת לארץ חולש על גוים׃

  15. יְשַׁעְיָהוּ י״ד:י״ג

    ואתה אמרת בלבבך השמים אעלה ממעל לכוכבי אל ארים כסאי ואשב בהר מועד בירכתי צפון׃

  16. יְשַׁעְיָהוּ י״ד:י״ד

    אעלה על במתי עב אדמה לעליון׃

  17. יְשַׁעְיָהוּ י״ד:ט״ו

    אך אל שאול תורד אל ירכתי בור׃

  18. יְשַׁעְיָהוּ י״ד:ט״ז

    ראיך אליך ישגיחו אליך יתבוננו הזה האיש מרגיז הארץ מרעיש ממלכות׃

  19. יְשַׁעְיָהוּ י״ד:י״ז

    שם תבל כמדבר ועריו הרס אסיריו לא פתח ביתה׃

  20. יְשַׁעְיָהוּ י״ד:י״ח

    כל מלכי גוים כלם שכבו בכבוד איש בביתו׃

  21. יְשַׁעְיָהוּ י״ד:י״ט

    ואתה השלכת מקברך כנצר נתעב לבוש הרגים מטעני חרב יורדי אל אבני בור כפגר מובס׃

  22. יְשַׁעְיָהוּ י״ד:כ׳

    לא תחד אתם בקבורה כי ארצך שחת עמך הרגת לא יקרא לעולם זרע מרעים׃

  23. יְשַׁעְיָהוּ ט״ז:ה׳

    והוכן בחסד כסא וישב עליו באמת באהל דוד שפט ודרש משפט ומהר צדק׃

  24. יְשַׁעְיָהוּ כ״ח:ו׳

    ולרוח משפט ליושב על המשפט ולגבורה משיבי מלחמה שערה׃

  25. יְשַׁעְיָהוּ כ״ח:י״ד

    לכן שמעו דבר יהוה אנשי לצון משלי העם הזה אשר בירושלם׃