פסוקים על Rulers: Character and qualifications of

ועתה ירא פרעה איש נבון וחכם וישיתהו על ארץ מצרים׃

ואתה תחזה מכל העם אנשי חיל יראי אלהים אנשי אמת שנאי בצע ושמת עלהם שרי אלפים שרי מאות שרי חמשים ושרי עשרת׃

ושפטו את העם בכל עת והיה כל הדבר הגדל יביאו אליך וכל הדבר הקטן ישפטו הם והקל מעליך ונשאו אתך׃

ושחד לא תקח כי השחד יעור פקחים ויסלף דברי צדיקים׃

הבו לכם אנשים חכמים ונבנים וידעים לשבטיכם ואשימם בראשיכם׃

שפטים ושטרים תתן לך בכל שעריך אשר יהוה אלהיך נתן לך לשבטיך ושפטו את העם משפט צדק׃

לא תטה משפט לא תכיר פנים ולא תקח שחד כי השחד יעור עיני חכמים ויסלף דברי צדיקם׃

צדק צדק תרדף למען תחיה וירשת את הארץ אשר יהוה אלהיך נתן לך׃

ארור מטה משפט גר יתום ואלמנה ואמר כל העם אמן׃

אמר אלהי ישראל לי דבר צור ישראל מושל באדם צדיק מושל יראת אלהים׃

וכאור בקר יזרח שמש בקר לא עבות מנגה ממטר דשא מארץ׃

ואנת עזרא כחכמת אלהך די בידך מני שפטין ודינין די להון דאנין לכל עמה די בעבר נהרה לכל ידעי דתי אלהך ודי לא ידע תהודעון׃

ועתה מלכים השכילו הוסרו שפטי ארץ׃

עבדו את יהוה ביראה וגילו ברעדה׃

¶ לשלמה אלהים משפטיך למלך תן וצדקתך לבן מלך׃

ידין עמך בצדק וענייך במשפט׃

ישאו הרים שלום לעם וגבעות בצדקה׃

ישפט עניי עם יושיע לבני אביון וידכא עושק׃

ייראוך עם שמש ולפני ירח דור דורים׃

ירד כמטר על גז כרביבים זרזיף ארץ׃

יפרח בימיו צדיק ורב שלום עד בלי ירח׃

וירד מים עד ים ומנהר עד אפסי ארץ׃

לפניו יכרעו ציים ואיביו עפר ילחכו׃

מלכי תרשיש ואיים מנחה ישיבו מלכי שבא וסבא אשכר יקריבו׃

וישתחוו לו כל מלכים כל גוים יעבדוהו׃