פסוקים על Rulers

255 פסוקים · 5 היבטים

פסוקי מפתח

סינון לפי ספר
  1. מִשְׁלֵי ט״ז:י׳

    קסם על שפתי מלך במשפט לא ימעל פיו׃

  2. מִשְׁלֵי ט״ז:י״ב

    תועבת מלכים עשות רשע כי בצדקה יכון כסא׃

  3. מִשְׁלֵי ט״ז:י״ג

    רצון מלכים שפתי צדק ודבר ישרים יאהב׃

  4. מִשְׁלֵי י״ז:ז׳

    לא נאוה לנבל שפת יתר אף כי לנדיב שפת שקר׃

  5. מִשְׁלֵי י״ז:ט״ו

    מצדיק רשע ומרשיע צדיק תועבת יהוה גם שניהם׃

  6. מִשְׁלֵי י״ז:כ״ו

    גם ענוש לצדיק לא טוב להכות נדיבים על ישר׃

  7. מִשְׁלֵי י״ט:י״ב

    נהם ככפיר זעף מלך וכטל על עשב רצונו׃

  8. מִשְׁלֵי כ׳:ח׳

    מלך יושב על כסא דין מזרה בעיניו כל רע׃

  9. מִשְׁלֵי כ׳:כ״ו

    מזרה רשעים מלך חכם וישב עליהם אופן׃

  10. מִשְׁלֵי כ׳:כ״ח

    חסד ואמת יצרו מלך וסעד בחסד כסאו׃

  11. מִשְׁלֵי כ״א:א׳

    ¶ פלגי מים לב מלך ביד יהוה על כל אשר יחפץ יטנו׃

  12. מִשְׁלֵי כ״ד:כ״ג

    גם אלה לחכמים הכר פנים במשפט בל טוב׃

  13. מִשְׁלֵי כ״ד:כ״ד

    אמר לרשע צדיק אתה יקבהו עמים יזעמוהו לאמים׃

  14. מִשְׁלֵי כ״ד:כ״ה

    ולמוכיחים ינעם ועליהם תבוא ברכת טוב׃

  15. מִשְׁלֵי כ״ד:כ״ו

    שפתים ישק משיב דברים נכחים׃

  16. מִשְׁלֵי כ״ה:ב׳

    כבד אלהים הסתר דבר וכבד מלכים חקר דבר׃

  17. מִשְׁלֵי כ״ה:ג׳

    שמים לרום וארץ לעמק ולב מלכים אין חקר׃

  18. מִשְׁלֵי כ״ה:ה׳

    הגו רשע לפני מלך ויכון בצדק כסאו׃

  19. מִשְׁלֵי כ״ח:ב׳

    בפשע ארץ רבים שריה ובאדם מבין ידע כן יאריך׃

  20. מִשְׁלֵי כ״ח:ט״ו

    ארי נהם ודב שוקק משל רשע על עם דל׃

  21. מִשְׁלֵי כ״ח:ט״ז

    נגיד חסר תבונות ורב מעשקות שנאי בצע יאריך ימים׃

  22. מִשְׁלֵי כ״ח:כ״ח

    בקום רשעים יסתר אדם ובאבדם ירבו צדיקים׃

  23. מִשְׁלֵי כ״ט:ב׳

    ברבות צדיקים ישמח העם ובמשל רשע יאנח עם׃

  24. מִשְׁלֵי כ״ט:ד׳

    מלך במשפט יעמיד ארץ ואיש תרומות יהרסנה׃

  25. מִשְׁלֵי כ״ט:י״ב

    משל מקשיב על דבר שקר כל משרתיו רשעים׃