Ahaz

37 פסוקים · 4 בני משפחה

ידוע גם בשם: Achaz

פסוקים המזכירים את Ahaz

2 מְלָכִים ט״ו:ל״ח
וישכב יותם עם אבתיו ויקבר עם אבתיו בעיר דוד אביו וימלך אחז בנו תחתיו׃
2 מְלָכִים ט״ז:א׳
¶ בשנת שבע עשרה שנה לפקח בן רמליהו מלך אחז בן יותם מלך יהודה׃
2 מְלָכִים ט״ז:ב׳
בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה אלהיו כדוד אביו׃
2 מְלָכִים ט״ז:ה׳
אז יעלה רצין מלך ארם ופקח בן רמליהו מלך ישראל ירושלם למלחמה ויצרו על אחז ולא יכלו להלחם׃
2 מְלָכִים ט״ז:ז׳
וישלח אחז מלאכים אל תגלת פלסר מלך אשור לאמר עבדך ובנך אני עלה והושעני מכף מלך ארם ומכף מלך ישראל הקומים עלי׃
2 מְלָכִים ט״ז:ח׳
ויקח אחז את הכסף ואת הזהב הנמצא בית יהוה ובאצרות בית המלך וישלח למלך אשור שחד׃
2 מְלָכִים ט״ז:י׳
וילך המלך אחז לקראת תגלת פלאסר מלך אשור דומשק וירא את המזבח אשר בדמשק וישלח המלך אחז אל אוריה הכהן את דמות המזבח ואת תבניתו לכל מעשהו׃
2 מְלָכִים ט״ז:י״א
ויבן אוריה הכהן את המזבח ככל אשר שלח המלך אחז מדמשק כן עשה אוריה הכהן עד בוא המלך אחז מדמשק׃
2 מְלָכִים ט״ז:ט״ו
ויצוהו המלך אחז את אוריה הכהן לאמר על המזבח הגדול הקטר את עלת הבקר ואת מנחת הערב ואת עלת המלך ואת מנחתו ואת עלת כל עם הארץ ומנחתם ונסכיהם וכל דם עלה וכל דם זבח עליו תזרק ומזבח הנחשת יהיה לי לבקר׃
2 מְלָכִים ט״ז:ט״ז
ויעש אוריה הכהן ככל אשר צוה המלך אחז׃
2 מְלָכִים ט״ז:י״ז
ויקצץ המלך אחז את המסגרות המכנות ויסר מעליהם ואת הכיר ואת הים הורד מעל הבקר הנחשת אשר תחתיה ויתן אתו על מרצפת אבנים׃
2 מְלָכִים ט״ז:י״ט
ויתר דברי אחז אשר עשה הלא הם כתובים על ספר דברי הימים למלכי יהודה׃
2 מְלָכִים ט״ז:כ׳
וישכב אחז עם אבתיו ויקבר עם אבתיו בעיר דוד וימלך חזקיהו בנו תחתיו׃
2 מְלָכִים י״ז:א׳
¶ בשנת שתים עשרה לאחז מלך יהודה מלך הושע בן אלה בשמרון על ישראל תשע שנים׃
2 מְלָכִים י״ח:א׳
¶ ויהי בשנת שלש להושע בן אלה מלך ישראל מלך חזקיה בן אחז מלך יהודה׃
2 מְלָכִים כ׳:י״א
ויקרא ישעיהו הנביא אל יהוה וישב את הצל במעלות אשר ירדה במעלות אחז אחרנית עשר מעלות׃
2 מְלָכִים כ״ג:י״ב
ואת המזבחות אשר על הגג עלית אחז אשר עשו מלכי יהודה ואת המזבחות אשר עשה מנשה בשתי חצרות בית יהוה נתץ המלך וירץ משם והשליך את עפרם אל נחל קדרון׃
1 דִּבְרֵי הַיָּמִים ג׳:י״ג
אחז בנו חזקיהו בנו מנשה בנו׃
2 דִּבְרֵי הַיָּמִים כ״ז:ט׳
וישכב יותם עם אבתיו ויקברו אתו בעיר דויד וימלך אחז בנו תחתיו׃
2 דִּבְרֵי הַיָּמִים כ״ח:א׳
¶ בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה כדויד אביו׃
2 דִּבְרֵי הַיָּמִים כ״ח:ט״ז
בעת ההיא שלח המלך אחז על מלכי אשור לעזר לו׃
2 דִּבְרֵי הַיָּמִים כ״ח:י״ט
כי הכניע יהוה את יהודה בעבור אחז מלך ישראל כי הפריע ביהודה ומעול מעל ביהוה׃
2 דִּבְרֵי הַיָּמִים כ״ח:כ״א
כי חלק אחז את בית יהוה ואת בית המלך והשרים ויתן למלך אשור ולא לעזרה לו׃
2 דִּבְרֵי הַיָּמִים כ״ח:כ״ב
ובעת הצר לו ויוסף למעול ביהוה הוא המלך אחז׃
2 דִּבְרֵי הַיָּמִים כ״ח:כ״ד
ויאסף אחז את כלי בית האלהים ויקצץ את כלי בית האלהים ויסגר את דלתות בית יהוה ויעש לו מזבחות בכל פנה בירושלם׃

מציג 1–25 מתוך 37 פסוקים

1 2 הבא