פסוקים על Pekah

29 פסוקים · 6 היבטים

פסוקי מפתח

סינון לפי ספר
  1. 2 מְלָכִים ט״ו:כ״ה

    ויקשר עליו פקח בן רמליהו שלישו ויכהו בשמרון בארמון בית מלך את ארגב ואת האריה ועמו חמשים איש מבני גלעדים וימיתהו וימלך תחתיו׃

  2. 2 מְלָכִים ט״ו:כ״ז

    בשנת חמשים ושתים שנה לעזריה מלך יהודה מלך פקח בן רמליהו על ישראל בשמרון עשרים שנה׃

  3. 2 מְלָכִים ט״ו:ל׳

    ויקשר קשר הושע בן אלה על פקח בן רמליהו ויכהו וימיתהו וימלך תחתיו בשנת עשרים ליותם בן עזיה׃

  4. 2 מְלָכִים ט״ו:ל״א

    ויתר דברי פקח וכל אשר עשה הנם כתובים על ספר דברי הימים למלכי ישראל׃

  5. 2 דִּבְרֵי הַיָּמִים כ״ח:ה׳

    ויתנהו יהוה אלהיו ביד מלך ארם ויכו בו וישבו ממנו שביה גדולה ויביאו דרמשק וגם ביד מלך ישראל נתן ויך בו מכה גדולה׃

  6. 2 דִּבְרֵי הַיָּמִים כ״ח:ו׳

    ויהרג פקח בן רמליהו ביהודה מאה ועשרים אלף ביום אחד הכל בני חיל בעזבם את יהוה אלהי אבותם׃

  7. יְשַׁעְיָהוּ ז׳:א׳

    ¶ ויהי בימי אחז בן יותם בן עזיהו מלך יהודה עלה רצין מלך ארם ופקח בן רמליהו מלך ישראל ירושלם למלחמה עליה ולא יכל להלחם עליה׃

  8. יְשַׁעְיָהוּ ז׳:ב׳

    ויגד לבית דוד לאמר נחה ארם על אפרים וינע לבבו ולבב עמו כנוע עצי יער מפני רוח׃

  9. יְשַׁעְיָהוּ ז׳:ג׳

    ויאמר יהוה אל ישעיהו צא נא לקראת אחז אתה ושאר ישוב בנך אל קצה תעלת הברכה העליונה אל מסלת שדה כובס׃

  10. יְשַׁעְיָהוּ ז׳:ד׳

    ואמרת אליו השמר והשקט אל תירא ולבבך אל ירך משני זנבות האודים העשנים האלה בחרי אף רצין וארם ובן רמליהו׃

  11. יְשַׁעְיָהוּ ז׳:ה׳

    יען כי יעץ עליך ארם רעה אפרים ובן רמליהו לאמר׃

  12. יְשַׁעְיָהוּ ז׳:ו׳

    נעלה ביהודה ונקיצנה ונבקענה אלינו ונמליך מלך בתוכה את בן טבאל׃

  13. יְשַׁעְיָהוּ ז׳:ז׳

    כה אמר אדני יהוה לא תקום ולא תהיה׃

  14. יְשַׁעְיָהוּ ז׳:ח׳

    כי ראש ארם דמשק וראש דמשק רצין ובעוד ששים וחמש שנה יחת אפרים מעם׃

  15. יְשַׁעְיָהוּ ז׳:ט׳

    וראש אפרים שמרון וראש שמרון בן רמליהו אם לא תאמינו כי לא תאמנו׃

  16. יְשַׁעְיָהוּ ז׳:י׳

    ויוסף יהוה דבר אל אחז לאמר׃

  17. יְשַׁעְיָהוּ ז׳:י״א

    שאל לך אות מעם יהוה אלהיך העמק שאלה או הגבה למעלה׃

  18. יְשַׁעְיָהוּ ז׳:י״ב

    ויאמר אחז לא אשאל ולא אנסה את יהוה׃

  19. יְשַׁעְיָהוּ ז׳:י״ג

    ויאמר שמעו נא בית דוד המעט מכם הלאות אנשים כי תלאו גם את אלהי׃

  20. יְשַׁעְיָהוּ ז׳:י״ד

    לכן יתן אדני הוא לכם אות הנה העלמה הרה וילדת בן וקראת שמו עמנו אל׃

  21. יְשַׁעְיָהוּ ז׳:ט״ו

    חמאה ודבש יאכל לדעתו מאוס ברע ובחור בטוב׃

  22. יְשַׁעְיָהוּ ז׳:ט״ז

    כי בטרם ידע הנער מאס ברע ובחר בטוב תעזב האדמה אשר אתה קץ מפני שני מלכיה׃

  23. יְשַׁעְיָהוּ ח׳:ד׳

    כי בטרם ידע הנער קרא אבי ואמי ישא את חיל דמשק ואת שלל שמרון לפני מלך אשור׃

  24. יְשַׁעְיָהוּ ח׳:ה׳

    ויסף יהוה דבר אלי עוד לאמר׃

  25. יְשַׁעְיָהוּ ח׳:ו׳

    יען כי מאס העם הזה את מי השלח ההלכים לאט ומשוש את רצין ובן רמליהו׃