פסוקים על Prophecies Respecting Christ

כי ראו עיני את ישועתך׃

אשר הכינות לפני כל העמים׃

אור לגלות עיני הגוים ותפארת ישראל עמך׃

ויבא אל נצרת אשר גדל שם וילך כמשפטו ביום השבת אל בית הכנסת ויקם לקרא בתורה׃

ויתן לו ספר ישעיה הנביא ויפתח את הספר וימצא את המקום אשר היה כתוב בו׃

רוח אדני עלי יען משח אתי לבשר ענוים׃

שלחני לחבש לנשברי לב לקרא לשבוים דרור ולעורים פקח קוח לשלח רצוצים חפשים לקרא שנת רצון ליהוה׃

ויהי כאשר גלל את הספר וישיבהו אל החזן וישב ועיני כל אשר בבית הכנסת נשאות אליו׃

ויחל ויאמר אליהם היום נתמלא הכתוב הזה באזניכם׃

ויאמר להם הן עלי לבשר גם לערים האחרות את בשורת מלכות האלהים כי לזאת שלחתי׃

ויאמר אליו ישוע לשועלים יש חורי עפר ולעוף השמים קנים ובן האדם אין לו מקום להניח שם את ראשו׃

אבי אם רצונך להעביר מעלי את הכוס הזאת אך אל יהי כרצוני כי אם כרצונך׃

ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃

ביום ההוא נהיו פילטוס והורדוס לאהבים יחדו כי מלפנים איבה היתה בינתם׃

ויאמר ישוע אבי סלח להם כי לא ידעו מה הם עשים ויחלקו בגדיו להם ויפילו גורל׃

איננו פה כי קם זכרנה את אשר דבר אליכן בעוד היותו בגליל לאמר׃

ותפקחנה עיניהם ויכירהו והוא חמק עבר מעיניהם׃

האמרים אכן קם האדון מן המתים ונראה אל שמעון׃

ויהי בברכו אתם ויפרד מאתם וינשא השמימה׃

הוא בא אל אשר לו ואשר המה לו לא קבלהו׃

ויקרבו ימי חג הפסח אשר ליהודים ויעל ישוע ירושלים׃

וימצא במקדש מכרי בקר וצאן ובני יונה ואת מחליפי כסף ישבים שם׃

ויקח חבלים ויעבתם לשוט ויגרש כלם מן המקדש ואת הצאן ואת הבקר ויפזר את מעות השלחנים ויהפך שלחנתיהם׃

ואל מכרי היונים אמר הוציאו אלה מזה ואל תעשו את בית אבי לבית מסחר׃

ויזכרו תלמידיו את הכתוב כי קנאת ביתך אכלתני׃