פסוקים על Prophecies Respecting Christ

לא יצעק ולא ישא ולא ישמע בחוץ קולו׃

קנה רצוץ לא ישבור ופשתה כהה לא יכבנה עד יוציא לנצח משפט׃

כל זאת דבר ישוע במשלים אל המון העם ובבלי משל לא דבר אליהם׃

למלאת את אשר דבר הנביא לאמר אפתחה במשל פי אביעה חידות מני קדם׃

כאשר בן האדם לא בא למען ישרתוהו כי אם לשרת ולתת את נפשו כפר תחת רבים׃

¶ ויהי כאשר קרבו לירושלים ובאו אל בית פגי בהר הזיתים וישלח ישוע שנים מן התלמידים׃

ויאמר אליהם לכו אל הכפר אשר ממולכם שם תמצאו אתון אסורה ועיר עמה התירו אתם והביאו אלי׃

וכי יאמר איש אליכם דבר ואמרתם האדון צריך להם וברגע ישלחם׃

וכל זאת היתה למלאת הנאמר ביד הנביא לאמר׃

אמרו לבת ציון הנה מלכך יבוא לך עני ורכב על חמור ועל עיר בן אתנות׃

ויבא ישוע אל מקדש האלהים ויגרש משם את כל המוכרים והקונים במקדש ויהפך את שלחנות השלחנים ואת מושבות מכרי היונים׃

ויאמר ישוע אליהם הכי קרא לא קראתם בכתובים אבן מאסו הבונים היתה לראש פנה מאת יהוה היתה זאת היא נפלאת בעינינו׃

ויאמר מה תתנו לי ואמסרנו בידכם וישקלו לו שלשים כסף׃

אז אמר אליהם ישוע אתם כלכם תכשלו בי בלילה הזה כי כתוב אכה את הרעה ותפוצין הצאן׃

וכל זאת היתה למלאת כתבי הנביאים אז עזבוהו התלמידים כלם וינוסו׃

וישוע החריש ויען הכהן הגדול ויאמר לו משביעך אני באלהים חיים שתאמר לנו אם אתה הוא המשיח בן האלהים׃

ויתיעצו ויקנו בו את שדה היוצר לקבורת הגרים׃

וידברו עליו שטנה הכהנים הגדולים והזקנים והוא לא ענה דבר׃

ויאמר אליו פילטוס האינך שמע כמה הם מעידים בך׃

ולא ענהו אף דבר אחד ויתמה ההגמון עד מאד׃

וירקו בו ויקחו את הקנה ויכהו על ראשו׃

ויתנו לו לשתות חמץ מזוג במרורה ויטעם ולא אבה לשתות׃

ויהי כאשר צלבו אותו ויחלקו להם את בגדיו וגורל הפילו למלאת את אשר נאמר בפי הנביא יחלקו בגדי להם ועל לבושי יפילו גורל׃

והעברים גדפו אותו ויניעו את ראשם׃

ויאמרו אתה ההרס את ההיכל ובנהו בשלשת ימים הושע לנפשך ואם בן האלהים אתה רדה מן הצלב׃