פסוקים על Praise

יודוך עמים אלהים יודוך עמים כלם׃

ישמחו וירננו לאמים כי תשפט עמים מישור ולאמים בארץ תנחם סלה׃

שירו לאלהים זמרו שמו סלו לרכב בערבות ביה שמו ועלזו לפניו׃

ברוך אדני יום יום יעמס לנו האל ישועתנו סלה׃

במקהלות ברכו אלהים יהוה ממקור ישראל׃

ממלכות הארץ שירו לאלהים זמרו אדני סלה׃

לרכב בשמי שמי קדם הן יתן בקולו קול עז׃

תנו עז לאלהים על ישראל גאותו ועזו בשחקים׃

אהללה שם אלהים בשיר ואגדלנו בתודה׃

יהללוהו שמים וארץ ימים וכל רמש בם׃

ישישו וישמחו בך כל מבקשיך ויאמרו תמיד יגדל אלהים אהבי ישועתך׃

עליך נסמכתי מבטן ממעי אמי אתה גוזי בך תהלתי תמיד׃

כמופת הייתי לרבים ואתה מחסי עז׃

ימלא פי תהלתך כל היום תפארתך׃

ואני תמיד איחל והוספתי על כל תהלתך׃

פי יספר צדקתך כל היום תשועתך כי לא ידעתי ספרות׃

גם אני אודך בכלי נבל אמתך אלהי אזמרה לך בכנור קדוש ישראל׃

¶ למנצח אל תשחת מזמור לאסף שיר הודינו לך אלהים הודינו וקרוב שמך ספרו נפלאותיך׃

ואנחנו עמך וצאן מרעיתך נודה לך לעולם לדר ודר נספר תהלתך׃

¶ למנצח על הגתית לאסף הרנינו לאלהים עוזנו הריעו לאלהי יעקב׃

אשרי יושבי ביתך עוד יהללוך סלה׃

אודך אדני אלהי בכל לבבי ואכבדה שמך לעולם׃

¶ משכיל לאיתן האזרחי חסדי יהוה עולם אשירה לדר ודר אודיע אמונתך בפי׃

ויודו שמים פלאך יהוה אף אמונתך בקהל קדשים׃

ברוך יהוה לעולם אמן ואמן׃