פסוקים על Praise

באו שעריו בתודה חצרתיו בתהלה הודו לו ברכו שמו׃

כי טוב יהוה לעולם חסדו ועד דר ודר אמונתו׃

¶ לדוד מזמור חסד ומשפט אשירה לך יהוה אזמרה׃

¶ לדוד ברכי נפשי את יהוה וכל קרבי את שם קדשו׃

ברכי נפשי את יהוה ואל תשכחי כל גמוליו׃

הסלח לכל עונכי הרפא לכל תחלאיכי׃

ברכו יהוה מלאכיו גברי כח עשי דברו לשמע בקול דברו׃

ברכו יהוה כל צבאיו משרתיו עשי רצונו׃

ברכו יהוה כל מעשיו בכל מקמות ממשלתו ברכי נפשי את יהוה׃

¶ ברכי נפשי את יהוה יהוה אלהי גדלת מאד הוד והדר לבשת׃

מצמיח חציר לבהמה ועשב לעבדת האדם להוציא לחם מן הארץ׃

אשירה ליהוה בחיי אזמרה לאלהי בעודי׃

יערב עליו שיחי אנכי אשמח ביהוה׃

יתמו חטאים מן הארץ ורשעים עוד אינם ברכי נפשי את יהוה הללו יה׃

¶ הודו ליהוה קראו בשמו הודיעו בעמים עלילותיו׃

שירו לו זמרו לו שיחו בכל נפלאותיו׃

התהללו בשם קדשו ישמח לב מבקשי יהוה׃

דרשו יהוה ועזו בקשו פניו תמיד׃

זכרו נפלאותיו אשר עשה מפתיו ומשפטי פיו׃

¶ הללויה הודו ליהוה כי טוב כי לעולם חסדו׃

הושיענו יהוה אלהינו וקבצנו מן הגוים להדות לשם קדשך להשתבח בתהלתך׃

ברוך יהוה אלהי ישראל מן העולם ועד העולם ואמר כל העם אמן הללו יה׃

יודו ליהוה חסדו ונפלאותיו לבני אדם׃

כי השביע נפש שקקה ונפש רעבה מלא טוב׃

יודו ליהוה חסדו ונפלאותיו לבני אדם׃