פסוקים על Praise

קול רנה וישועה באהלי צדיקים ימין יהוה עשה חיל׃

פתחו לי שערי צדק אבא בם אודה יה׃

זה השער ליהוה צדיקים יבאו בו׃

אודך כי עניתני ותהי לי לישועה׃

אלי אתה ואודך אלהי ארוממך׃

הודו ליהוה כי טוב כי לעולם חסדו׃

אודך בישר לבב בלמדי משפטי צדקך׃

חצות לילה אקום להודות לך על משפטי צדקך׃

נדבות פי רצה נא יהוה ומשפטיך למדני׃

שבע ביום הללתיך על משפטי צדקך׃

תבענה שפתי תהלה כי תלמדני חקיך׃

תען לשוני אמרתך כי כל מצותיך צדק׃

תחי נפשי ותהללך ומשפטך יעזרני׃

ברוך יהוה שלא נתננו טרף לשניהם׃

¶ שיר המעלות הנה ברכו את יהוה כל עבדי יהוה העמדים בבית יהוה בלילות׃

שאו ידכם קדש וברכו את יהוה׃

¶ הללו יה הללו את שם יהוה הללו עבדי יהוה׃

שעמדים בבית יהוה בחצרות בית אלהינו׃

הללו יה כי טוב יהוה זמרו לשמו כי נעים׃

בית ישראל ברכו את יהוה בית אהרן ברכו את יהוה׃

בית הלוי ברכו את יהוה יראי יהוה ברכו את יהוה׃

ברוך יהוה מציון שכן ירושלם הללו יה׃

¶ הודו ליהוה כי טוב כי לעולם חסדו׃

הודו לאלהי האלהים כי לעולם חסדו׃

הודו לאדני האדנים כי לעולם חסדו׃