פסוקים על Praise

490 פסוקים · 106 היבטים

פסוקי מפתח

סינון לפי ספר
  1. בְּרֵאשִׁית י״ד:כ׳

    וברוך אל עליון אשר מגן צריך בידך ויתן לו מעשר מכל׃

  2. שְׁמֹות ט״ו:א׳

    ¶ אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים׃

  3. שְׁמֹות ט״ו:ב׳

    עזי וזמרת יה ויהי לי לישועה זה אלי ואנוהו אלהי אבי וארממנהו׃

  4. שְׁמֹות ט״ו:ג׳

    יהוה איש מלחמה יהוה שמו׃

  5. שְׁמֹות ט״ו:ד׳

    מרכבת פרעה וחילו ירה בים ומבחר שלשיו טבעו בים סוף׃

  6. שְׁמֹות ט״ו:ה׳

    תהמת יכסימו ירדו במצולת כמו אבן׃

  7. שְׁמֹות ט״ו:ו׳

    ימינך יהוה נאדרי בכח ימינך יהוה תרעץ אויב׃

  8. שְׁמֹות ט״ו:ז׳

    וברב גאונך תהרס קמיך תשלח חרנך יאכלמו כקש׃

  9. שְׁמֹות ט״ו:ח׳

    וברוח אפיך נערמו מים נצבו כמו נד נזלים קפאו תהמת בלב ים׃

  10. שְׁמֹות ט״ו:ט׳

    אמר אויב ארדף אשיג אחלק שלל תמלאמו נפשי אריק חרבי תורישמו ידי׃

  11. שְׁמֹות ט״ו:י׳

    נשפת ברוחך כסמו ים צללו כעופרת במים אדירים׃

  12. שְׁמֹות ט״ו:י״א

    מי כמכה באלם יהוה מי כמכה נאדר בקדש נורא תהלת עשה פלא׃

  13. שְׁמֹות ט״ו:י״ב

    נטית ימינך תבלעמו ארץ׃

  14. שְׁמֹות ט״ו:י״ג

    נחית בחסדך עם זו גאלת נהלת בעזך אל נוה קדשך׃

  15. שְׁמֹות ט״ו:י״ד

    שמעו עמים ירגזון חיל אחז ישבי פלשת׃

  16. שְׁמֹות ט״ו:ט״ו

    אז נבהלו אלופי אדום אילי מואב יאחזמו רעד נמגו כל ישבי כנען׃

  17. שְׁמֹות ט״ו:ט״ז

    תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

  18. שְׁמֹות ט״ו:י״ז

    תבאמו ותטעמו בהר נחלתך מכון לשבתך פעלת יהוה מקדש אדני כוננו ידיך׃

  19. שְׁמֹות ט״ו:י״ח

    יהוה ימלך לעלם ועד׃

  20. שְׁמֹות ט״ו:י״ט

    כי בא סוס פרעה ברכבו ובפרשיו בים וישב יהוה עלהם את מי הים ובני ישראל הלכו ביבשה בתוך הים׃

  21. שְׁמֹות ט״ו:כ׳

    ותקח מרים הנביאה אחות אהרן את התף בידה ותצאן כל הנשים אחריה בתפים ובמחלת׃

  22. שְׁמֹות ט״ו:כ״א

    ותען להם מרים שירו ליהוה כי גאה גאה סוס ורכבו רמה בים׃

  23. שְׁמֹות י״ח:י׳

    ויאמר יתרו ברוך יהוה אשר הציל אתכם מיד מצרים ומיד פרעה אשר הציל את העם מתחת יד מצרים׃

  24. דְּבָרִים י׳:כ״א

    הוא תהלתך והוא אלהיך אשר עשה אתך את הגדלת ואת הנוראת האלה אשר ראו עיניך׃

  25. שֹׁפְטִים ה׳:ג׳

    שמעו מלכים האזינו רזנים אנכי ליהוה אנכי אשירה אזמר ליהוה אלהי ישראל׃