פסוקים על Praise: Unclassified scriptures relating to

וברוך אל עליון אשר מגן צריך בידך ויתן לו מעשר מכל׃

¶ אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים׃

עזי וזמרת יה ויהי לי לישועה זה אלי ואנוהו אלהי אבי וארממנהו׃

הוא תהלתך והוא אלהיך אשר עשה אתך את הגדלת ואת הנוראת האלה אשר ראו עיניך׃

שמעו מלכים האזינו רזנים אנכי ליהוה אנכי אשירה אזמר ליהוה אלהי ישראל׃

מהלל אקרא יהוה ומאיבי אושע׃

ישמחו השמים ותגל הארץ ויאמרו בגוים יהוה מלך׃

אז ירננו עצי היער מלפני יהוה כי בא לשפוט את הארץ׃

הודו ליהוה כי טוב כי לעולם חסדו׃

ברוך יהוה אלהי ישראל מן העולם ועד העלם ויאמרו כל העם אמן והלל ליהוה׃

ולעמד בבקר בבקר להדות ולהלל ליהוה וכן לערב׃

וכל בני ישראל ראים ברדת האש וכבוד יהוה על הבית ויכרעו אפים ארצה על הרצפה וישתחוו והודות ליהוה כי טוב כי לעולם חסדו׃

ויאמרו הלוים ישוע וקדמיאל בני חשבניה שרביה הודיה שבניה פתחיה קומו ברכו את יהוה אלהיכם מן העולם עד העולם ויברכו שם כבודך ומרומם על כל ברכה ותהלה׃

אתה הוא יהוה לבדך את עשית את השמים שמי השמים וכל צבאם הארץ וכל אשר עליה הימים וכל אשר בהם ואתה מחיה את כלם וצבא השמים לך משתחוים׃

זכר כי תשגיא פעלו אשר שררו אנשים׃

אודה יהוה כצדקו ואזמרה שם יהוה עליון׃

מפי עוללים וינקים יסדת עז למען צורריך להשבית אויב ומתנקם׃

זמרו ליהוה ישב ציון הגידו בעמים עלילותיו׃

מהלל אקרא יהוה ומן איבי אושע׃

רומה יהוה בעזך נשירה ונזמרה גבורתך׃

אספרה שמך לאחי בתוך קהל אהללך׃

יראי יהוה הללוהו כל זרע יעקב כבדוהו וגורו ממנו כל זרע ישראל׃

מאתך תהלתי בקהל רב נדרי אשלם נגד יראיו׃

שאו שערים ראשיכם והנשאו פתחי עולם ויבוא מלך הכבוד׃

מי זה מלך הכבוד יהוה עזוז וגבור יהוה גבור מלחמה׃